Proyeutu A119

De Wikipedia
Saltar a navegación Saltar a la gueta
Cubierta del primer volume del «A Study of Llunar Research Flights»

El Proyeutu A119 o «Estudio sobre los vuelos científicos a la Lluna» foi un plan altamente secretu desenvueltu en 1958 pola Fuercia Aérea de los Estaos Xuníos col enfotu de faer españar una bomba nuclear sobre la superficie llunar. Presumir que la finalidá de dichu estudiu, yera demostrar la superioridá de los Estaos Xuníos en rellación a la Xunión Soviética, y el restu del mundu mientres la Guerra Fría. Tolos detalles sobre l'estudiu fueron apurríos pol Dr. Leonard Reiffel, que lideró'l proyeutu en 1958, dende una fundación investigadora financiada pol Exércitu de los Estaos Xuníos. Carl Sagan integró l'equipu responsable de la investigación de los efeutos teóricos d'una esplosión nuclear a un baxu nivel de gravedá. Sagan acabó revelando la so participación nel plan en 1959.

El Proyeutu A119» nunca se llevó a cabu, probablemente porque la llegada del home a la Lluna diba consiguir una meyor acoyida per parte de la población estauxunidense. Los documentos permanecieron secretos mientres unos cuarenta y cinco años. A pesar de la revelación de los archivos a empiezos de la década del 2000, el Gobierno de los Estaos Xuníos nunca reconoció oficialmente la so participación na investigación.

Antecedentes[editar | editar la fonte]

En plena Guerra Fría nel añu 1957, la Xunión Soviética tomó la delantrera na carrera espacial al llanzar el 4 d'ochobre de 1957 el Sputnik 1, el primer artefactu humanu n'algamar l'espaciu y orbitar el planeta. El llanzamientu sorpresa del oxetu, combináu col fracasu resonante de les primeres tentatives estauxunidenses d'asitiar un satélite artificial n'órbita, foi un problema pa los Estaos Xuníos. Intentando recuperar el terrén perdíu, el país llanzó una serie de nuevos proyeutos y estudios, qu'acabaríen dando orixe al llanzamientu del Explorer I y la creación de la NASA y la DARPA en 1958, ente otros.

Oxetivos[editar | editar la fonte]

El programa consistía en faer españar una bomba atómica, d'una potencia similar a la que foi llanzada sobre la ciudá xaponesa de Hiroshima nel añu 1945 sobre'l llimbu llunar, cuando'l nuesu satélite presentara la fase de plenilluniu. D'esta forma, el fungu nuclear taría allumáu pol Sol y la so visión sería entá más terrorífica. Con ello pretendíase consiguir, por aciu l'efeutu propagandísticu, recuperar la moral del pueblu americanu que cayó en picada tres el saltu espacial de los soviéticos.

Referencies[editar | editar la fonte]





Proyecto A119