Proyde

De Wikipedia
Saltar a navegación Saltar a la gueta
Proyde
PROYDE logo wikipedia.png
Llocalización
Sede Madrid
Historia
Fundación12 abril 1988
Web oficial
Cambiar los datos en Wikidata

PROYDE (Promoción y Desarrollo) ye una asociación y organización non gubernamental de cooperación al desenvolvimientu española, fundada en 1988 y averá a les obres educatives de los Hermanos de les Escueles Cristianes (La Salle).

PROYDE actúa nel campu de la Cooperación Internacional al Desenvolvimientu nos cinco continentes, especialmente nel ámbitu del derechu a la educación. En situaciones d'emerxencia suel allegar na fase de reconstrucción y rehabilitación. Tamién actúa, na so redolada próxima, al traviés de la Educación pal Desenvolvimientu, el Comerciu Xustu, la Incidencia social y política, el voluntariáu, etc.

L'Asociación PROYDE[editar | editar la fonte]

L'Asociación PROYDE foi fundada'l 12 d'abril de 1988 y según consta nos sos estatutos[1], el fin de l'Asociación PROYDE ye la promoción y el desenvolvimientu de les persones nos países aprobetaos, por aciu la realización de Programes y Proyectos de Desenvolvimientu[2], fundamentalmente nel ámbitu educativu.
PROYDE foi reconocida como Asociación Ensin Fines Llucrativos per parte del Ministeriu del Interior el 20 de xunetu de 1988[3]. Dende'l 20 de xunetu de 1989, pertenez a la Coordinadora de ONGD d'España (CONGDE)[4]. El 22 de mayu de 1998 foi declarada Asociación d'Utilidá Pública pol Ministeriu del Interior[5]. El 20 d'avientu de 1999 foi inscrita como una ONG de Desenvolvimientu na Axencia Española de Cooperación Internacional pal Desenvolvimientu (AECID)[6]. El 20 de mayu de 2000 la Xunta Directiva decide empezar la promoción del Comerciu Xustu dende la See Social y nes Delegaciones Locales de l'Asociación y el 31 de marzu de 2008 intégrase na Coordinadora Estatal de Comerciu Xustu (CECJ)[7] de la que forma parte dende la so constitución.

Misión y Valores[editar | editar la fonte]

La Misión de PROYDE[8] ye contribuyir, con trabayu y testimoniu, a la construcción d'un mundu nel que toles persones vivan dignamente. Pa facelo posible, l'Asociación establez calces de participación activa pa vivir una solidaridá auténtica y comprometida na construcción d'un mundu más xustu.
Pola so vinculación a los Hermanos de les Escueles Cristianes (La Salle), PROYDE proponse a tolos miembros de la familia lasaliana —y al traviés d'ellos a tola sociedá— como calce privilexáu pa la solidaridá tantu na redolada próxima como nos países aprobetaos. La fraternidá, el derechu a la educación y la conversión personal, tán na base d'esta vinculación.
Tola actividá de l'Asociación ta regulada por cinco Valores[9] que ponen-y marcu a la filosofía institucional y que son patrimoniu común a les muyeres y homes que formen parte activa de l'Asociación. Esti patrimoniu común, aniciáu'nla fraternidá, entendida como un compartir n'igualdá col otru yá que, sía quien sía, ye hermanu: —La dignidá de toles persones; —La capacidá de toles persones y comunidaes; —Los valores de toles persones; —El compromisu col derechu a la educación; —Comprometíos nel fomentu y la participación en redes solidaries.

Actividaes[editar | editar la fonte]

Ente les actividaes realizaes por PROYDE destaquen:

  • Programes y Proyectos de Desenvolvimientu nos países aprobetaos, especialmente nel ámbitu del derechu a la educación[10].
  • Acciones en situaciones d'emerxencia, principalmente na fase de reconstrucción y rehabilitación[11].
  • El tresformamientu de les estructures sociales, polítiques y económiques que tán nel orixe de la desigualdá, la inxusticia y l'esclusión. Tamién pol cambéu de los antivalores que contribúin a caltener estes estructures. Facer por aciu la Educación pal Desenvolvimientu y Sensibilización[12], les campañes d'Incidencia política[13], la promoción del Voluntariáu[14] y el compromisu col Comerciu Xustu y el Consumu responsable[15].

Trabayu'n rede[editar | editar la fonte]

A nivel nacional[editar | editar la fonte]

PROYDE pertenez a delles redes d'organizaciones de sofitu al desenvolvimientu y de Comerciu Xustu, como la Coordinadora de ONG de Desenvolvimientu d'España (CONGDE) y nueve Coordinadores Autonómiques[16], la Rede d'Entidaes de Desenvolvimientu Solidariu (REDES)[17] y a la Coordinadora Estatal de Comerciu Xustu (CECJ)[18]. Tamién ye Axente Collaborador de Ciudá pol Comerciu Xustu[19] y coordina, con IDEAS, el Proyectu Centros Educativos pol Comerciu Xustu.[20][21][22] PROYDE forma parte de la Coordinadora Lasaliana de ONGD[23].

A nivel internacional[editar | editar la fonte]

Nel nivel internacional, PROYDE trabaya en rede cola Coordinadora de ONG Lasalianes de Desenvolvimientu d'Europa - Mediterraneu[24] y en Plataformes de sofitu a Proyectos Internacionales[25], sobromanera na Plataforma de Sofitu al Proyectu Fratelli (coles ONGD Lasalianes y Sed) que trabaya con persones refuxáes Siries ya Iraquines n'El Líbanu y la Plataforma de Sofitu a Solidarity with South Sudan (xuntu a Proclade y Sed) pa la formación, en Sudán del Sur, de profesores en Yambio, enfermeres/os y comadrones en Wau, agricultores y desplazaos/es de la guerra civil en Riimenze y líderes comuñales en Yuba.

Compromisos de tresparencia y bon gobiernu[editar | editar la fonte]

PROYDE foi declarada entidá d'utilidá pública en 1998[26] y sométese a una auditoría contable voluntaria añalmente[27], amás de les auditoríes de la Fundación Lealtad de «Tresparencia y Bones Práutiques de les ONG» sobro'l cumplimientu de principios d'aición, organización y xestión[28][29] y de «Tresparencia y Bon Gobiernu» de la Coordinadora d'Organizaciones non Gubernamentales de Desenvolvimientu d'España (CONGDE).[30][31]

Organización Territorial[editar | editar la fonte]

PROYDE ta presente en 13 Comunidaes Autónomes y una Ciudá Autónoma. La organización territorial concrétase en 5 Delegaciones Territoriales y 61 Delegaciones Locales.[32].
La Delegación Territorial PROYDE – Andalucía coordina les Delegaciones Locales d'Andalucía y la Ciudá Autónoma de Melilla. La Delegación Territorial PROYDE – Levanteruel coordina les Delegaciones Locales de la Comunidá Valenciana y Teruel. La Delegación Territorial de PROYDE – Madrid coordina les Delegaciones Autonómiques y Locales de Madrid, Castiella-La Mancha, Estremadura, Canaries y Murcia. La Delegación Territorial de PROYDE – Noroeste coordina les Delegaciones Autonómiques y Locales d'Asturies, Cantabria, Castiella y Llión y Galicia. La Delegación Territorial de PROYDE – Zaragoza coordina les Delegaciones Locales d'Aragón (sacante Teruel) y La Rioxa.

  • La Delegación Autonómica d'Asturies (que pertenez a la Delegación Noroeste) tien tres Delegaciones Locales asitiaes en: La Felguera, Xixón y Uxo.

Cada Delegación Territorial ta coordinada por un Delegáu/á que pertenez a la Xunta Directiva de l'Asociación. Les Delegaciones Locales son coordinaes por Delegaos/es que suelen tener un grupu de sofitu pa llevar p'adelantre les actividaes programaes na Delegación.

Referencies[editar | editar la fonte]

Enllaces externos[editar | editar la fonte]