Primera República Española

De Uiquipedia
Saltar a: navegación, buscar
Bandera, de caráuter provisional, de la Primera República Española

La Primera República Española foi'l réxime políticu n'España dende so aproclamación poles Cortes, el 11 de febreru de 1873, fasta'l 29 d'avientu de 1874, cuando'l pronunciamientu del xeneral Martínez Campos dio entamu a la Restauración borbónica n'España.

El primer intentu republicanu na Hestoria d'España foi una esperiencia corta, carauterizada pola fonda inestabilidá política y social y la violencia. La República foi gobernada por cuatro presidentes distintos fasta que, once meses dempués de la so proclamación, prodúxose'l güelpe d'Estau del xeneral Pavía y l'afitamientu d'una república unitaria dominada pol Duque de la Torre.

El períodu tuvo marcáu por tres guerres civiles simultánees: la Tercera Guerra Carlista, la sublevación cantonal na península Ibérica y la Guerra de los Diez Años en Cuba. Los problemes más graves pa la consolidación del réxime foron la falta de verdaderos republicanos, la división d'éstos ente federalistes y unitarios y la falta d'aida popular.

Enllaces esternos[editar | editar la fonte]