Saltar al conteníu

Pluvialis apricaria

De Wikipedia
(Redirixío dende Pollu tordu)
Pluvialis apricaria
pollu tordu
Estáu de caltenimientu
Esmolición menor (LC)
Esmolición menor (IUCN 3.1)
Clasificación científica
Reinu: Animalia
Filu: Chordata
Clas: Aves
Orde: Charadriiformes
Familia: Charadriidae
Xéneru: Pluvialis
Especie: P. apricaria
(Linnaeus, 1758)
Distribución
Consultes
[editar datos en Wikidata]
Plumaxe d'iviernu.
Pluvialis apricaria n'Islandia.

Les especies d'aves con nome común en llingua asturiana márquense como NOA. En casu contrariu, conséñase'l nome científicu. El pollu tordu[1] (Pluvialis apricaria), tamién llamáu chiflón[2] ye un pollu o mazaricu de gran tamañu. La especie ye similar a los otros dos pollos: el pollu tordu americanu y el pollu tordu del Pacíficu, que son más pequeños, espodaos y con pates relativamente más llargues que'l pollu tordu. Les especies americanes tienen axiles grises y non blanques (el plumaxe namái ye visible mientres el vuelu).

Descripción[editar | editar la fonte]

Los pollos tordos miden una media de llargor de 26 a 29 cm. y pesen ente 150 y 220 g. El valumbu de les sos ales ye de 67 ó 76 cm. Mientres la dómina de cría los adultos tienen plumes doraes y negres na cabeza, el llombu y les ales. La cara y el pescuezu son negros y bordiaos de blancu, col pechu negru y la zona caudal escura. Les pates son negres. Pel hibiernu pierden el plumaxe negro y los pollos tordos amuesen una cara amarellentada y el pechu y el banduyu blancos.

Reproducción y hábitat[editar | editar la fonte]

Güevu de Pluvialis apricaria

El so hábitat de reproducción son los pandoriales y tundres del norte d'Europa y l'oeste d'Asia. Añeren nel suelu en terrenes secos. Son una especie migratoria, pasando l'iviernu nel sur d'Europa y el norte d'África. Alredor d'unos 500.000 exemplares iviernen n'Irlanda y Gran Bretaña. Anque ye una especie común, la so población amenorgóse nos últimos tiempos por cuenta de la destrucción del so hábitat. Por casu, mientres el sieglu XIX sumió de Polonia, onde añeraba, y anguaño namái apaez mientres l'iviernu; la población d'Europa Central aparentemente quedó aisllada dempués de la postrera Era Glacial. (Tomek & Bocheński, 2005).

Alimentación[editar | editar la fonte]

Estes aves aliméntense nes tundres, campos, sableres y marismes, de normal atrapando'l so alimentu por aciu la vista. Aliméntense principalmente de pequeños inseutos, crustáceos y otros invertebraos, anque tamién comen bagues.

Proteición[editar | editar la fonte]

El pollu tordu ye una de les especies a les que s'aplica l'Alcuerdu de Caltenimientu d'Aves Acuátiques Migratories d'África y Europa.

Subespecies[editar | editar la fonte]

  • Pluvialis apricaria altifrons
  • Pluvialis apricaria apricaria

Referencies[editar | editar la fonte]

Enllaces esternos[editar | editar la fonte]

  • Tomek, T. & Bocheński, Z. (2005). Weichselian and Holocene bird remains from Komarowa Cave, Central Poland. Acta Zoologica Cracoviensia, 48A(1-2), 43-65. PDF fulltext