Polipastu

De Wikipedia
Saltar a navegación Saltar a la gueta
Apareyu utilizáu pa izar y baxar botes

Un polipastu, polispastu (del griegu πολύς ‘enforma’ y σπάω ‘tirar’) o apareyu ye una máquina compuesta por dos o más polees y una cuerda, cable o cadena qu'alternativamente va pasando polos distintos gargüelos de cauna d'elles. Utilízase pa llevantar o mover una carga con una gran ventaya mecánica, porque se precisa aplicar una fuerza enforma menor que'l pesu qu'hai que mover.[1]

Utilidá[editar | editar la fonte]

Utilícense'n talleres o industries p'alzar y asitiar elementos y materiales bien pesaos nes distintes máquines-ferramienta o cargales y descargales de los camiones que les tresporten. Suelen tar suxetos a un brazu xiratoriu acopláu a una máquina, o pueden ser móviles guiaos por carriles asitiaos nos techos de les naves industriales.

Los polipastos tienen distintes capacidaes d'elevación dependiendo de la carga que pueden llegar a llevantar. Ye posible aumentar la capacidá d'elevación aumentando'l númberu de ramales d'un polipastu. Por casu, un polipastu de 500 kg con un ramal puede tener una capacidá de namái 500 kg, pero si se configura con dos ramales utilizando los accesorios afayadizos, el mesmu polipastu puede llevantar 1000 kg. Pa poder algamar capacidaes d'elevación altes enforma, dacuando necesítase usar un conxuntu de dellos polipastos con dellos ramales al pie de una pasteca especial.

Tipos[editar | editar la fonte]

Polipastu eléctricu de cable con cuatro ramales.

Según el númberu de ramales:

  • Cuando una de les polees nun tien más qu'un gargüelu o ye un motón, el polipastu llámase apareyu cenciellu».
  • Nos otros casos, ye «apareyu doble». Según el númberu de vueltes que da la cuerda nes polees llámase de cuatro, de seis, etc. gordones o «guarnes», tomando tamién con rellación al oxetu y a la forma en que s'aplica un nomatu o denominación particular como les de «apareyu de gabitu», «apareyu de rabiza», «apareyu de burel y estrobu», etc.

Según la forma en que multipliquen la fuerza, los apareyos más comunes son:

Según el material de los ramales, los polipastos pueden ser

Y según lo qu'aplique la potencia a la máquina pueden ser:

  • manuales,
  • de palanca o
  • eléctricos.

Formulación matemática[editar | editar la fonte]

Apareyu factorial[editar | editar la fonte]

Esquema funcional d'un polipastu factorial d'una polea móvil.

Na so fórmula intervien la «fuercia» que tien d'aplicar l'oxetu o persona pa llevantar la «resistencia» ya'l númberu de polees móviles qu'intervienen nel llevantamientu de la resistencia:

La so fórmula ye:

Exemplu:


Pa llevantar un pesu de 980 N realizóse una fuerza de 245 N.[2]

Referencies[editar | editar la fonte]

  1. Matemáticas y sus aplicaciones agrícolas en Google Llibros
  2. Libro de tecnología de tercero de ESO de la editorial Eleven.

Bibliografía[editar | editar la fonte]

  • Material del Diccionariu enciclopédicu popular ilustráu Salvat de los años 1906 a 1914, que s'atopa nel dominiu públicu.