Plaza Roja

De Wikipedia
Saltar a navegación Saltar a la gueta
El Kremlin y la Plaza Roja de Moscú
Patrimoniu de la HumanidáUNESCO
Criterios Cultural: i, ii, iv, vi
Referencia 545
Inscripción 1990 (14 ° Sesión)
Cambiar los datos en Wikidata

La Plaza Roja (en rusu Красная площадь, Krásnaya plóshchad’) ye la plaza más famosa de Moscú nel barriu comercial conocíu como Kitay-górod. Tien 330 metros de llargor y 70 metros d'anchu, sumando una superficie de 23.100 m². Dende 1990 la Plaza Roja foi incluyida, xuntu col conxuntu del Kremlin, na llista de Patrimoniu de la Humanidá de Unesco.[1]

Delles xeneralidaes[editar | editar la fonte]

Dixebra'l Kremlin, la fortaleza real onde anguaño mora'l presidente de Rusia, del barriu históricu comercial de Kitay-górod. D'ella parten les principales cais de Moscú en toes direcciones, enllargaes en autopistes hasta fora de la ciudá. Por ello ye considerada la plaza como'l centru de la ciudá y de toa Rusia.

La zona onde ta asitiada la plaza taba originariamente poblada por edificios de madera, pero foi llimpiada por Iván III de Rusia, yá que yeren susceptibles d'amburar con facilidá. La nueva plaza sirvió como llugar pa los mercaos, más tarde pa ceremonies públiques y proclamaciones, inclusive pa coronar a los zares.

El nome de Plaza Roja nun provien d'el color de los lladriyos que la arrodien, nin tampoco ye referencia a'l color coloráu del comunismu. Más bien deriva de la palabra rusa КраснаяError de cita: Etiqueta <ref> non válida; les referencies ensin nome han tener conteníu (Krásnaya), que significa "colorada", pero nel antiguu rusu significaba "guapa", esto ye, la plaza guapa. La palabra nun principiu usábase pa nomar la Catedral de San Basilio (del sieglu XVI), col sentíu de bonitu, y más tarde el nome recaló na plaza cercana. Créese que la plaza adquirió'l so actual nome, reemplazando l'antiguu, Пожар (Pozhar), nel sieglu XVII.

Na plaza atopen el patíbulu, el monumentu a Minin y a Pozharsky, amás del mundialmente famosu sepulcru (mausoléu) de Lenin. Na muralla del Kremlin tán soterraes grandes figures de la URSS y relevantes militantes comunistes (como'l líder Iósif Stalin, el cosmonauta Yuri Gagarin, el periodista y escritor estauxunidense John Reed, dellos altos xefes militares, etc).

Hestoria recién[editar | editar la fonte]

El 28 de mayu de 1987, l'entós nuevu xermanu-occidental Mathias Rust aterrizó'l so pequenu avión Cessna en plena plaza. Tuvo que cumplir más de 400 díes de cárcel y esi fechu tamién derivó nel forzáu arrenunciu del mariscal Serguéi Sokolov, l'entós ministru de defensa soviéticu.

N'años recién na Plaza Roja celebráronse numberosos conciertos. Realizaron actuaciones grupo internacionales como Pink Floyd, la banda alemana Scorpions que celebró un recital cola orquesta presidencial de la Federación Rusa nel aniversariu de la capital rusa. O l'antiguu beatle Paul McCartney (nel so casu, incluyendo'l clásicu Back in the O.S.S.R. nel so repertoriu, que fai referencia esplícita a la sumida URSS).

En 2010 rodáronse dalgunes de les escenes de la película española La daga de Rasputín empobinada y protagonizada por Jesús Bonilla.[2]

Vista panorámica de la Plaza Roja, ochobre de 2013
Vista panorámica de la Plaza Roja, ochobre de 2013

Imáxenes[editar | editar la fonte]

Referencies[editar | editar la fonte]

Enllaces esternos[editar | editar la fonte]



Plaza Roja

Wikcionario en rusu