Pléyone (estrella)
 Llocalización de Pléyone, señalada pola flecha, dientro de M45. | |
| Constelación | Tauru |
| Ascensión reuta α | 03h 49min 11,22s |
| Declinación δ | +24º 08’ 12,2’’ |
| Distancia | 440 años lluz |
| Magnitú visual | +5,05 |
| Magnitú absoluta | -0,32 |
| Lluminosidá | 190 soles |
| Temperatura | 12.000 K |
| Masa | 3,4 soles |
| Radiu | 3,2 soles |
| Tipu espectral | B8Vpe |
| Velocidá radial | +4,4 km/s |
Pléyone o Pleione (28 Tauri / HD 23862 / HR 1180)[1] ye'l nome d'una estrella del cúmulu abiertu de les Pléyades na constelación de Tauru. Alcuéntrase a unos 440 años lluz de distancia del Sistema Solar.
Como'l restu de les Pléyades, Pléyone ye una estrella de tipu espectral B y, xuntu con Asterope (21 Tauri), ye la menos caliente, siendo la so temperatura efectivo de 12.000 K. De tipu espectral B8Vpe, ye una estrella de la secuencia principal, a diferencia d'otres estrelles de les Pléyades que son xigantes o subxigantes. Ye 190 vegaes más lluminosa qu'el Sol y el so radiu ye 3,2 vegaes más grande qu'el radiu solar. Tien una masa envalorada de 3,4 mases solares.[2]
La principal peculiaridá de Pléyone ye la so espectru característicu, con emisiones de hidróxenu qu'apaecen en determinaes llonxitú d'onda, tando clasificada como una estrella Be. Estes emisiones provienen d'un aniellu de gas qu'arrodia a la estrella, y que se rellaciona cola so alta velocidá de rotación de 329 km/s nel ecuador, 165 vegaes mayor que la del Sol. Coles mesmes, en ciclos de 17 y 34 años, la estrella pasa por fases d'estrella B normal, estrella Be y estrella Be con envoltura. Tou ello provoca cambeos irregulares nel so lluminosidá, tando catalogada como una variable del tipo Gamma Cassiopeiae.[2] Recibe la denominación de variable BU Tauri, variando'l so rellumu ente magnitú aparente +4,77 y +5,50.[3]
Referencies[editar | editar la fonte]
Enllaces esternos[editar | editar la fonte]
Wikimedia Commons acueye conteníu multimedia sobre Pléyone.
