Pi Herculis

De Wikipedia
Saltar a navegación Saltar a la gueta
Pi Herculis
Pi Herculis
Constelación Hércules
Ascensión reuta α 17h 15min 02,83s
Declinación δ +36º 48’ 33,0’’
Distancia 370 años lluz
Magnitú visual +3,16
Magnitú absoluta -2,10
Lluminosidá 1330 soles
Temperatura 4110 K
Radiu 55 - 72 soles
Tipu espectral K3IIvar
Velocidá radial -25,7 km/s

Pi Herculis (π Her / 67 Herculis / HD 156283)[1] ye la cuarta estrella más brillosa de la constelación d'Hércules a pesar de tener la lletra griega Pi, siendo la so magnitú aparente +3,16. Ye superada en rellumu por Kornephoros (β Herculis), ζ Herculis y Sarin (δ Herculis).

Pi Herculis ye una xigante naranxa lluminosa —dacuando clasificada como superxigante— de tipu espectral K3II y 4110 K de temperatura. Asitiada a 370 años lluz de distancia del Sistema Solar, ye 1330 vegaes más lluminosa qu'el Sol. El so radiu ye ente 55 y 72 vegaes más grande qu'el radiu solar, dependiendo de los parámetros utilizaos pa la so midida.[2]

Pi Herculis ye una «estrella variable» nel sentíu de que camuda'l so velocidá relativa a la Tierra nun periodu de 613 díes. La causa puede ser una compañera de siquier 27 vegaes la masa de Xúpiter asitiada a 3 UA, pulsaciones «non radiales» (partes de la superficie de la estrella pulsien pa escontra fora ente qu'otres muévense escontra dientro), o la rotación de la estrella que fai que manches na so superficie entren y salgan del campu de visión. Un segundu periodu sobrepuestu más curtiu (d'unos 90 díes) y de menor amplitú favorez la hipótesis de les pulsaciones non radiales.[3][2]

Referencies[editar | editar la fonte]