Perseides

De Wikipedia
Saltar a navegación Saltar a la gueta
Perseides[1]
Periodu d'actividá 17 de xunetu – 24 d'agostu
Actividá máxima 12 d'agostu
Radiante de l'actividá máxima RA: 3h 12m

DE: +58°

THC 150
Índice de población 2,2
Velocidá 59 km/s
Radiantendrift der Perseiden

Les Perseides o Llárimes de San Llorienzu son una conocida lluvia de meteoros anual que tien llugar la primer metá d'agostu al rodíu del día 12, cuando algama'l máximu númberu d'estrelles fugaces. El so radiante, esto ye, el so presuntu orixe, ta na constelación de Perséu.

Historia[editar | editar la fonte]

La primer observación de les Perseides de la que tenemos constancia foi va aproximao dos milenios, al rodíu del 36 e.C. en China. Darréu tenemos noticies de Xapón y Corea. N'Europa la primer observación conocida foi nel añu 811. Nel añu 1762 la primer tresmisión escrita foi la del llibru Introduction a la Philosophie naturelle del investigador de ciencies naturales neerlandés Pieter van Musschenbroeck, que dicía que tres el calor del branu podíen vese estrelles cayer nes ciudaes belga y neerlandesa de Leiden y Utrecht. Nel añu 1792 hubo un artículu nel periódicu de Pennsylvania National Gazette sobre una alta actividá de meteoros el 15 d'agostu, lliteralmente dicía: "in the month of August there are more meteors to be observed in the atmosphere, than at any other period of the year..." (nel mes d'agostu puen observase más meteoros na atmósfera que'n cualquier otru periodu del añu...". L'investigador inglés Thomas Forster escribió nel so llibru The Pocket Encyclopedia of Natural Phenomena pal 10 d'agostu del añu 1827: "Falling Stars and Meteors abound about the time of year" (Les estrelles y meteoros que caen abonden nesta época del añu). [2] [3] L'añu 1835 redactó l'astrónomu y estadísticu belga Adolphe Quetelet una noticia escrita sobre lala luvia de meteoritos na constelación de Perséu. Gracies a esto foi el primer astrónomu que venceyó la lluvia de meteoritos d'agosto cola constelación de Perséu.[4][5]

Llámense tamién llárimes de San Llorienzu por coincidir cola fiesta del Mártir Llorienzu'l 10 d'agostu, conmemorando'l martiriu que sufrió nel añu 258 al morrer sobre una parrilla.

Orixe y apaición[editar | editar la fonte]

La constelación de Perséu pue vese nel cielu nocturnu d'esti xeitu: dende la exa trasera allargada cinco veces del Sietestrellu enriba la Estrella Polar hasta Casiopea y depués nun ángulu pa la drecha a metá de camín cara a Capella nel Áuriga.
Perseides (2015)

Les Perseides tán compuestes de los restos de la disolución del  Cometa 109P/Swift-Tuttle. La tierra traviesa na so órbita al rodíu del 12 d'agostu'l rastru de polvu que dexó esti cometa nel espaciu. Los cachinos de polvo entren aína na atmósfera y faen brillar les sos molécules de gas. Les estrelles fugaces por eso nun son en sí mesmes nucleos de polvu ingriento, sinón que se faen visibles pol brillu de la recombinación del gas ionizao.

El periodu d'actividá total de les perseides va dende'l 17 de xunetu hasta'l 24 d'agostu. El númberu de meteoros aumenta según la tierra va averándose a l'antigua órbita del cometa, sobremanera cuando más s'avera, casu del añu 1992. Nos años 1991 y 1993 rexistrárone en condiciones ideales (THC) tases de más de 350 meteoros por hora.[6] Anguaño la lluvia de meteoros algama un máximu d'al rodíu de 100 meteoros por hora.

Desendolcu históricu[editar | editar la fonte]

Añu Periodu d'actividá Periodu de máxima observación
2016 17 de xunetu – 24 d'agostu 12./13 d'agostu[7] (THCmax 150)
2015 17 de xunetu – 24 d'agostu
12./13 d'agostu[8] (THCmax 95) (Neumond am 14. August)
2014 17 de xunetu – 24 d'agostu
13 d'agostu(THCmax 68)[9] (Vollmond am 10. August)
2013 17 de xunetu – 24 d'agostu
12 d'agostu (THCmax 109)[10]
2012 17 de xunetu – 24 d'agostu
12 d'agostu (THCmax 122)[11]
2011 17 de xunetu – 24 d'agostu
12 d'agostu (THCmax 58)[12] (Vollmond am 13. August)[13]
2010 23 de xunetu – 24 d'agostu 12 d'agostu (THCmax 142)[14]
2009 14 de xunetu – 24 d'agostu 13 d'agostu (THCmax 173) (el máximu esperáu yera de 173[15] sicasí, la visibilidá yera menos por mor de la lluna medrante)
2008 25 de xunetu – 24 d'agostu[16] 13 d'agostu (THCmax 116)[16]
2007 19 de xunetu – 25 d'agostu[17] 13 d'agostu (THCmax 93)[17]
2006 12./13 d'agostu
2005
2004 12 d'agostu (THCmax >200)
1994 (THCmax >200)[5]
1993 (THCmax 200–500)[5]
1992 Entamu el 11 d'agostu (lluna llena el 13 d'agostu)[18]
1864 (THCmax >100)[5]
1863 (THCmax 109–215)[5]
1861 (THCmax 78–102)[5]
1858 (THCmax 37–88)[5]
1839 (THCmax 165)[5]
1792 15 d'agostu[19] [20]

Imáxenes[editar | editar la fonte]

Enllaces d'interés[editar | editar la fonte]

Referencies[editar | editar la fonte]

  1. IMO Meteor Shower Calendar 2016, abgerufen am 13.
  2. The Perseids are Coming!
  3. Feuerwerk am Nachthimmel – Tagesspiegel vom 10.
  4. Dr. Bill Cooke (2012-08-11). «NASA Chat: Stay ‘Up All Night’ to Watch the Perseids!». NASA. Consultáu'l 2013-08-16.
  5. 5,0 5,1 5,2 5,3 5,4 5,5 5,6 5,7 Gary W. Kronk. «Observing the Perseids». Meteor Showers Online. Consultáu'l 2009-08-12.
  6. Die Perseiden, Abgerufen am 13.
  7. Perseid Meteor Shower 2016: When, Where & How to See It. Abgerufen am 11. 
  8. «Perseids 2015: visual data quicklook». Imo.net. Consultáu'l 2015-10-04.
  9. «Perseids 2014: visual data quicklook». Imo.net (2014-08-13). Consultáu'l 2014-08-13.
  10. «Perseids 2013: visual data quicklook». Imo.net (2013-09-23). Consultáu'l 2014-04-20.
  11. «Perseids 2012: visual data quicklook». Imo.net (2012-10-22). Consultáu'l 2014-04-20.
  12. «Perseids 2011: visual data quicklook». Imo.net (2011-10-06). Consultáu'l 2014-04-20.
  13. «How to See the Best Meteor Showers of the Year: Tools, Tips and 'Save the Dates'». nasa.gov. Consultáu'l 2010-11-16.
  14. «How to See the Best Meteor Showers of the Year: Tools, Tips and 'Save the Dates'». nasa.gov. Consultáu'l 2010-08-12.
  15. «Perseids 2009: visual data quicklook». Imo.net (2010-04-26). Consultáu'l 2009-08-11.
  16. 16,0 16,1 «Perseids 2008: visual data quicklook». Imo.net (2009-06-06). Consultáu'l 2009-08-11.
  17. 17,0 17,1 Perseids 2007: first results
  18. Brown: The Perseids 1992.
  19. The Perseids are Coming!
  20. Feuerwerk am Nachthimmel – Tagesspiegel vom 10.