Pelayo Froilaz el Diáconu

De Wikipedia
Saltar a navegación Saltar a la gueta
Pelayo Froilaz el Diáconu
Vida
Nacimientu 990 [[(Gregorianu)]]
Nacionalidá Reinu de Llión
Fallecimientu

1050 [[(Gregorianu)]]

(59/60 años)
Oficiu
Cambiar los datos en Wikidata

Pelayo Froilaz el Diáconu (ca. 990–c. 1050) foi fíu del conde Froila Jiménez y sobrín del fundador del monasteriu de Corias, Piniolo Jiménez. Conde a lo menos dende 1030, yera miembru de l'alta nobleza asturiana y lleonesa y fiel vasallu y alférez real de Alfonso V de Llión.

Esbozu biográficu[editar | editar la fonte]

Vista de Balmonte.

En 1014, yá tando casáu cola condesa Aldonza Ordóñez, apaez cola familia de la so esposa na documentación del sumíu monasteriu de Lapedo en Balmonte y pocu dempués nun diploma na Catedral de San Salvador d'Uviéu cola so suegra, Cristina Bermúdez confirmando como Pelagius Froilaz comes. Foi alférez real del rei Alfonso V de Llión dende 1016 hasta 1019 y miembru de la curia regia onde se rexistra la so presencia confirmando diplomes reales en 1023 y en 1026. Al poco tiempu y antes de 1030 yá figura col títulu de conde.[1]

Cola so esposa Aldonza fundó'l monasteriu de Lapedo, yá sumíu, en Balmonte onde probablemente recibieron sepultura. Nun se conoz la fecha del so fallecimientu pero tuvo d'asoceder dempués de 1048 y en fecha próxima a la muerte de la so esposa qu'entá vivía en 1050.[1]

Matrimoniu y descendencia[editar | editar la fonte]

Contraxo matrimoniu escontra 1013 cola condesa Aldonza Ordóñez, fía lexítima del infante Ordoño Ramírez el Ciegu y de la infanta Cristina Bermúdez,[1][2] [lower-alpha 1] fía del rei Bermudo II de Llión y de la reina Velasquita Ramírez. Los fíos d'esti matrimoniu fueron:

  • Pelayo Peláez, (m. 1092/1095)[4] maríu de Muniadona cognomento «Mayor» González, quien pudiera ser fía de Gonzalo Salvadórez, conde en La Bureba.[5]
  • Jimena Peláez (fl. -1096), condesa, casada col conde d'orixe gallegu, Bermudo Ovéquiz, padres, ente otros, del poderosu conde Sueru Bermúdez.[6] Dempués de enviudar c. 1092 del conde Bermudo, contraxo matrimoniu con Munio Jiménez[7][lower-alpha 2]
  • Elvira Peláez condesa, la esposa del conde Munio Fernández,[8] fíu de Fernando Flaínez y de la so homónima, Elvira Peláez.[9]
  • Teresa Peláez, condesa, esposa del conde Gómez Díaz, conde en Carrión, fíu del conde Diego Fernández de Saldaña y Marina Ansúrez.[10] Teresa y el so maríu fueron el fundadores del Monasteriu de San Zoilo en Carrión de los Condes.
  • María Peláez (fl.1081-1105), que la so presencia consta nel documentu 109 de la Catedral d'Uviéu, y esposa del magnate Álvaro González.[10][3][11][lower-alpha 3]
  • Ordoño Peláez, alférez real del rei Fernando I de Llión.[10]
  • Munio Peláez. Apaez na documentación gobernando Toro y Zamora en 1060, perdiéndose'l so rastru na década de los setenta.[13]
  • Pedro Peláez, alférez real ente 1049-1050 y dempués ente 1056-1058. Ente 1060 y 1063 foi estremáu cola dignidá condal, exerciendo como tenente en Tinéu. Casó con Elvira Pérez, con socesión de dichu matrimoniu.[14]

Notes[editar | editar la fonte]

  1. El 31 de xunetu de 1096, María Peláez dona a la ilesia d'Uviéu bienes nel reinu de Llión, Cornellana, Salcedo y otros llugares n'Asturies. Diz qu'estos bienes los habíen llograos los sos padres, el conde Pelayo Froilaz y la so esposa la condesa Aldonza Ordóñez: «...sicut obtinuerunt eas genitoribus meis comes Pelagius Froilaz et uxor eius comittissa Eldoncia Ordoñiz.» Documentu 109, pp. 296-297 de la Colección de Documentos de la Catedral d'Uviéu [3]
  2. «... fía de Pelayo Froilaz y Aldonza Ordóñez (...) Tocantes a la fecha de la so muerte, del testimoniu de Fernando Díaz en 1097, disponiendo de propiedaes que perteneceríen a la so tía Jimena Peláez, podría suponese qu'esa capacidá dispositiva ye más facedera finando aquella.» Caleya Puerta cita'l documentu 5, pp. 27-29, de la colección diplomática del Monasteriu de San Pelayo, la carta de dote de fecha 17 d'abril de 1097 pola la cual el conde Fernando Díaz dona dellos bienes a Enderquina, fía del conde Munio González: «Ego etenim comes Fernandus prolix Diazi tibi dulcissime adque amantissime coniuge mexe Enderquina filia nobilissimi comitis Monio Gonçalvizi (...) illa mexa ereditate de Sancta Gatia et illa ratione de mexáu hiermano comice Rotriquo Diazi et illa ratione de mexa iermana Maior Diazi et de suo marito Golmaro Ioannes (...) et illa ratione de mexa tia Gelvira integra et illa ratione que ibi abuit Scemena Pelagici de suo marito et de suas filias.»[7]
  3. En 1081, Álvaro, fíu de Gonzalo y Osicia, dona a la so muyer María bienes en distintos sitios: «...tibi dulcissima adque amantissima sponsa mexa María, pater tuus Pelagius mater tua Elduença» Documentu 85, pp. 245-248 de la Colección de Documentos de la Catedral d'Uviéu[12]

Referencies[editar | editar la fonte]

Bibliografía[editar | editar la fonte]




Pelayo Froilaz el Diácono