Cristina Bermúdez

De Wikipedia
Cristina BermúdezPicto infobox character.png
Vida
Nacimientu Corniana982
Nacionalidá Reinu de Llión
Muerte

1050

(67/68 años)
Familia
Padre Bermudo II de León
Madre Velasquita de León
Casada con Ordoño Ramírez el Ciego (es) Traducir
Fíos/es
Hermanos/es
Pueblu dinastía astur-leonesa (es) Traducir
Creencies
Relixón Ilesia Católica
Cambiar los datos en Wikidata
Monesteriu de San Salvador de Corniana fundáu pola infanta Cristina Bermúdez.

Cristina Bermúdez (circa 982Corniana – circa 1050) foi infanta de Lleón y fía del rei Bermudo II de Lleón y de la so primer esposa, la reina Velasquita Ramírez. Los sos güelos paternos fueron el rei Ordoño III de Lleón y la reina Urraca Fernández, fía del conde de Castiella Fernán González. Los sos güelos maternos fueron probablemente'l conde gallegu Ramiro Menéndez y la condesa Adosinda Gutiérrez, dambos de la más alta nobleza galaicoportuguesa.[1]

Teresa y Sancha Bermúdez, medies hermanes de la infanta Cristina.

El so padre, el rei Bermudo refugara a la so primer esposa y volvió contraer matrimoniu con Elvira García, con quien tuvo al futuru rei Alfonso V de Lleón y a les infantes Teresa y Sancha Bermúdez.

Matrimoniu y descendencia[editar | editar la fonte]

Cristina casóse pocu dempués de 1000 y antes de 1016 con Ordoño Ramírez el Ciegu,[2] fíu del rei Ramiro III de Lleón y de Sancha Gómez. D'esti matrimoniu, probablemente favorecíu pola reina Velasquita y pola reina viuda Teresa Ansúrez, dambes recluyíes nel monesteriu de San Pelayo d'Uviéu,[3] baxa'l llinaxe de los Ordóñez d'Asturies, el más importante d'esti reino nel sieglu XI. La descendencia de los infantes Ordoño y Cristina ye mentada por Rodrigo Jiménez de Rada na so crónica del rei Bermudo II de Lleón, «...de Velasquita tuvo a la infanta Cristina; esta Cristina tuvo de Ordoño el Ciegu, fíu del rei Ramiro, a Alfonso, Ordoño, la condesa Pelaya y Aldonza», información que coincide cola documentación asturiana de dellos monesterios, incluyendo'l de Cornellana y el de Courias, según cola de la catedral de San Salvador d'Uviéu,[4] onde se noma como los sos fíos a Alfonso, Aldonza, Ordoño y Pelaya Órdoñez, esta postrera tamién llamada doña Palla.[2]

Últimos años[editar | editar la fonte]

Monesteriu de San Salvador de Curniana

La infanta Cristina yá yera viuda en 1024 según declárase nuna donación que realizó al monesteriu de Corniana que fundara en «réxime de partición hereditaria» nesi mesmu añu.[5] Finó alredor del añu 1050[2] y probablemente recibió sepultura nel monesteriu que fundara y onde profesó como relixosa.[6]

Bibliografía[editar | editar la fonte]

  • Calleja Puerta, Miguel (2001). El conde Sueru Vermúdez, la so parentela y la so redolada social: L'aristocracia asturlleonesa nos sieglos XI y XII. KRK Ediciones. ISBN 84-95401-68-1.

Referencies[editar | editar la fonte]