Pedro Quevedo Iturbe
.svg){kind=small}
Pedro Quevedo Iturbe (11 de marzu de 1956, Caraques) ye un diputáu de la circunscripción de Gran Canaria y un conceyal nel conceyu de la capital de dicha isla.[1] Tamién ye médicu ciruxanu, y foi profesor de Ciencies Clíniques na Universidá de Las Palmas de Gran Canaria.[2]
Biografía[editar | editar la fonte]
Naz en Caraques (Venezuela) el 11 de marzu de 1956. Sicasí, la so infancia y adolescencia trescurren en Canaries y nel País Vascu onde mora la so familia materna. Realiza los sos estudios universitarios en La Laguna, onde llogra la llicenciatura en Medicina y Ciruxía nel añu 1981 y el grau de llicenciatura en 1986 cola calificación de sobresaliente. Completa los sos estudios con un Doctoráu en Microbioloxía Clínica , un máster en direición y xestión sanitaria y múltiples cursos d'actualización.
Ye médicu d'Atención Primaria del SCS y profesor acomuñáu a tiempu parcial de Salú Pública nel departamentu de Ciencies Clíniques de la ULPGC dende 1994. Desempeñó'l cargu de Secretariu Xeneral del Colexu Oficial de Médicos de Las Palmas dende 1983 a 1997.
Empecipia la so participación na actividá política, venceyáu a organizaciones canaries de calter progresista, na etapa universitaria. Participó na fundación de Pueblu Canariu Xuníu y siguió venceyáu al movimientu nacionalista y progresista en Canaries dende entós.
Foi miembru fundador del Sindicatu Canariu de la Salú, de la Organización Canaria en defensa de la Salú, según presidente de l'Asociación de médicos interinos de canaries y de l'Asociación Foru Bentayga.
Miembru fundador, igualmente, de Coalición Canaria en GC y responsable del Área de Salú de CC en GC.
Voceru del Gobiernu de Canaries, con rangu de viceconseyeru nos años 2000-2003.
Direutor de campaña nes Eleiciones Xenerales del añu 2004.
Diputáu Autonómicu por Gran Canaria a lo llargo de la VI Llexislatura(2003-2007) tres les eleiciones de 2003.
Ye miembru fundador y Secretariu de Comunicación de Nueva Canarias dende la so constitución en xunu de 2005.
Conseyeru de Política Social y Sociosanitaria del Cabildru Insular de Gran Canaria a lo llargo del mandatu 2007-2011.
Conceyal del Conceyu de Las Palmas de Gran Canaria, por NC nes Eleiciones Municipales de 2011.
Diputáu del Parllamentu Español pola Coalición Eleutoral CC-NC tres les eleiciones de 2011.
Darréu, foi sociu eleutoral del PSOE nes eleiciones de 2015 y 2016, siendo escoyíu nestes últimes eleiciones. L'alcuerdu ente dambos consistía básicamente en que NC sofitara a la candidatura del PSOE pa la Presidencia del Gobiernu, pero respetando depués "l'autonomía de cada organización". Sicasí, NC sofitó al PP na votación de la Llei Presupuestos del Estáu en mayu de 2017.[3]
Referencies[editar | editar la fonte]
- ↑ «Diputados - Escelentísimu Sr. Diputado Pedro Quevedo Iturbe» (castellanu). Parlamento de Canarias. Consultáu'l 15 d'ochobre de 2012.
- ↑ Miguel M. Guedes (29 de xineru de 2011). «Pedro Quevedo: ´Esta ciudad necesita que la defiendan´» (castellanu). La Provincia.es. Consultáu'l 15 d'ochobre de 2012. «Pedro Quevedo Iturbe (Caraques, 1956), es médico cirujano y ha sido profesor de Ciencias Clínicas de la Universidad de Las Palmas de Gran Canaria.»
- ↑ «Tensión entre el PSOE y Nueva Canarias por el apoyo de Quevedo a los Presupuestos» (castellanu). Consultáu'l 30 de mayu de 2017.
| Control d'autoridaes |
|
|---|
Datos: Q6069900