Pautu Molotov-Ribbentrop
 | |
| Tipu |
pacto de no agresión (es)  y tratado secreto (es) |
|---|---|
| Llingua orixinal | alemán y rusu |
| Llocalización | Moscú |
| Creación | 1939 |
| Caducidá | 22 xunu 1941 |
| Robláu por | Joachim von Ribbentrop y Viacheslav Mólotov |
 | |
El Pautu Molotov-Ribbentrop foi un pautu de non agresión ente Alemaña y la Xunión Soviética robláu en Moscú polos ministros d'esteriores respeutivos, Joachim von Ribbentrop y Viatxeslav Molotov el 23 d'agostu de 1939, y que siguió vixente hasta la invasión alemana de la Xunión Soviética cola "Operación Barbarroxa", qu'entamaba la madrugada del 22 de xunu de 1941.
Les cláusules
[editar | editar la fonte]El pautu contenía unes cláusules secretes, que nun diben descubrise hasta que s'alcordare l'absorción alemana de Lituania y el repartu de Polonia y les anexones soviétiques d'Estonia, Letonia y Finlandia, y d'una parte de Rumanía, dixebrando la Europa Oriental y el norte en dos árees d'influyencia.
Les consecuencies
[editar | editar la fonte]
El 1 de setiembre de 1939, pocos díes dempués de la firma del pautu, los alemanes invaden Polonia, fechu que lleva arreyáu l'entamu de la Segunda Guerra Mundial, y los estaos bálticos firmen cola Xunión Soviética un Pautu de non agresión y mutua defensa, que-yos permetía a los soviéticos estacionar ellí les sos tropes.
En 1940, dempués de que la Wehrmacht ocupare Noruega, Dinamarca, Países Baxos, Bélxica y Francia se rindiere, ocupaba parte de Rumanía dempués d'unviar un ultimátum, firmábase un anexu que cambiaba Lituania a la órbita soviética, y anexonábase les tres repúbliques báltiques. Milenta persones d'orixe alemán foron tresferides del territoriu ocupáu pola Xunión Soviética a Alemaña, especialmente a les zones polaques ocupaes.
Finlandia resistióse a les pretensiones soviétiques y planta-yos cara na Guerra d'Hibiernu, qu'acabó en 1941 cuando accede a decer parte del so territoriu a la Xunión Soviética.
Hungría recibía Transilvania de Rumanía y la parte oriental de Checoslovaquia, y Bulgaria recuperaría'l territoriu conquistáu polos rumanos en 1913 na Segunda Guerra Balcánica.
El desgaste del pautu
[editar | editar la fonte]N'Abril de 1940, cola invasión alemana de Dinamarca y Noruega, y en xunu de 1940, cola invasión soviética de más territoriu rumanu de l'alcordáu, el pautu entama a deteriorase, pos les dos partes escédense, y los recelos de los alemanes p'hacia la Xunión Soviética faen qu'entamen en 1941 la invasión de la Xunión Soviética na mayor operación militar de la hestoria: la "Operación Barbarroxa".
Referencies
[editar | editar la fonte]Enllaces esternos
[editar | editar la fonte]
Wikimedia Commons tien conteníu multimedia tocante a Pautu Molotov-Ribbentrop.
| Control d'autoridaes |
|
|---|
Datos: Q130796- Multimedia: Molotov-Ribbentrop Pact