Parque Natural de les Fontes del Narcea y del Ibias

De Wikipedia
Saltar a: navegación, buscar

El Parque Natural de les Fontes del Narcea y del Ibias ye un parque natural allugáu n'Asturies, España. Foi declaráu Parque Natural en 2002. Enánchase pel territoriu de los conceyos de Cangas del Narcea, Degaña ya Ibias(allugamientu nel mapa[1]). Llenda al sur col cordal cantábricu en Cangas del Narcea, y al esti col Parque Natural de Somiéu. el parque toma'l so nome del rigu Narcea y del rigu Ibias, acupando una soperficie total de 47.589 ha. El parque natural abargana dafechu los cálceres altos d'estos dos rigos, per un llau el Narcea y los sos afluentes dende'l so truéhanu en Colláu Altu fasta la estaya de Rengos. Los afluentes encluyíos del Narcea son los rigos Carabales, Xunqueira, Cibea, Naviegu y Gillón pela riba drecha y pela riba chusca los rigos Cotu y Munieḷḷos. El rigu Ibias, afluente'l rigu Navia, la estaya la sierra de Degaña y la de La Candanosa. En total pertenez un 75% a la conca'l Narcea y el 25% a la del Ibias. Dientro'l parque tán les sierres de Degaña, Rañadoiru, Obayu, Cazamosa, Caniellas, Soldepuestu y Xenestosu.

Amás de parque natural esta reserva tien les siguientes figures d'abeyu :

  • Declaráu parcialmente Llugar d'Emportancia Comunitaria de Fontes del Narcea y del Ibias.
  • Llugar d'Emportancia Comunitaria de Munieḷḷos.
  • Declaráu parcialmente Zona d'Especial Proteición pa les Aves de Fontes del Narcea, Degaña ya Ibias.
  • Zona d'Especial Proteición pa les Aves de la viesca Munieḷḷos.
  • Declaráu Reserva de la Biosfera de Munieḷḷos.

Nel so interior alcuéntrase la reserva de la biosfera del monti munieḷḷos qu'acupa una estensión de 60 km cuadrados, y ye una de les zones meyor calteníes d'Asturies y cola reserva natural de Cuetu d'Arbas. Esta zona declaróse Parque Natural por llei el 13 d'avientu del 2002 pero nun foi fasta'l 18 d'agostu de 2005 cuando salió a enformación público'l Plan retor d'usu y xestión (PRUG).

Flora[editar | editar la fonte]

Dientro'l parque somos a figurar delles estayes desemeyaes:

  • Viesques: Nel parqui esiste una de les carbayeres más estenses y meyor caltenida d'Europa, nomada viesca de Munieḷḷos que s'espurre pel valle del mesmo nome. Puédese alcontrar una gran estensión de fayes nos avisiegos de les montañes onde hai una gran homidancia que permite la medría de muesgos y alíquenes. El fayéu más emportanti que s'alncuentra dientro'l parque ye'l de Valle d'Hermu cuna estension de 10 km. Tamién habemos bedulios, castañales, álamos, y tolos árboles comunes nuna viesca atlántica.


Fauna[editar | editar la fonte]

Nel Parque Natural de les Fontes del Narcea y del Ibias alfayamos la fauna más representativa d'Asturies, figurando:

Mamíferos[editar | editar la fonte]

El bardión qu'anguaño presenta una población d'alrodiu de 100 exemplares con nidios señes de recobramientu. Amás tamién tán presentes el llobu, el corciu, el robezu, el gochu xabaz . Nos de menor tamañu somos a destacar el raposu, la xineta, la fura, l'algaire, la [[fuína], el melandru o la llebre y una gran doyura de furamartes.

Aves[editar | editar la fonte]

De gran doyura, una amplia estaya declarárase zona d'especial proteición pa las aves (ZEPA de Degaña-Hermu y ZEPA de la Viesca de Munieḷḷos). Figura l'urogallu o'l picu mediano, el ferre o'l gaviluchu.

Rutes[editar | editar la fonte]

A pie[editar | editar la fonte]

  • PR.AS - 8 - Ruta de les llagunes "tixileiras"[2] .
  • PR.AS - 9 - Ruta da Braña de Llanelu[3].
  • PR.AS - 7 - Ruta da Hucha[4].
  • PR.AS-132 - Ruta Viesca de Moal[5].
  • PR.AS-168 - Pomar de las Montañas[6].
  • PR.AS-23 - Ruta del Picu Miravalles[7].
  • PR.AS-24 - Ruta da Faena[8].
  • PR.AS-26 - Ruta das pallozas de Santiso[9].
  • PR.AS-28 - Ruta del Chao da Serra[10].
  • PR.AS-29 - Ruta del Túmbalu de Seroiro[11].
  • Ruta Bosque de Muniel.los[12].
  • Ruta Cueto d'Arbas[13].
  • Ruta Cueva da Osa - Ruta del Desfiladero de Bustelín[14].
  • Ruta de las Brañas[15].
  • Ruta de las Llagunas de L.langreiru[16].
  • Ruta del Cabril[17].
  • Ruta Llagunas de Fasgueo[18].
  • Ruta Llagunas de Tablao[19].
  • Senda Moura[20].
  • SL.AS-19 - Ruta del Puertu de Lleitariegos[21].

En coche[editar | editar la fonte]

  • Ruta de los Cunqueirus[22].
  • Ruta de los Puertus[23]
  • Ruta de Sierra[24].
  • Ruta del Xardón[25].
  • Ruta del Oro[26].

Gulipude gran recorríu[editar | editar la fonte]

Esiste un proyeutu de gulipu de gran recorríu qu'abarganará unos 350 km²[1]. los cuales podranse facer a pie, bicicleta y caballu. Esti gran gulipu incorporará la mayoría de les sendes esistentes xuniéndoles ente sí y regulando l'usu senderista'l parque natural. Tamién aprovechará caminos rurales y carreteres comarcales. El gulipu sedrá circular y tará dixebráu en once etapes con aniciu y final nel centru 'entepretación del parque, de les cuales cinco tarán fuera les llendes del Parque. El gulipu costará con dos trazaos alternativos, el primer trazáu tedrá cinco etapes y el segundo tres. En 2005 foron publicaes les informaciones públiques nel BOPA [27],[28], [29].

Edificaciones d'especial interés[editar | editar la fonte]

  • Aldega de Cecos
  • Bodegues del Narcea
  • Cascu hestóricu de Cangas del Narcea
  • Centru d'Enterretación de Muniellos
  • Colleición Museográfica del Tixileiru
  • Monasteriu de Corias
  • Antigu pueblu y mines d'oru romanes de El Corralín
  • Museo Etnográficu del Vinu - Llagar de Santiso
  • Palloza de San Antolín
  • Pueblu de Besullu
  • Pueblu de Riodeporcos

Centru d'Entepretación[editar | editar la fonte]

El centru d'entepretación allúgase nes antigues cuadres del monasteriu de San Xuan Bautista de Corias a la entrada de la llocalidá de Cangas del Narcea. La esposición tedrá 1.191,87 m². El centru contará con dos plantes nes qu'habrá recepción, enformación, zona de rocades y proyeiciones , sala del molín (al aniciase'l proyeutu afayárase un molín antigu de cacáu), zones d'esposición, despachos, alministración, almacenes y les oficines alministratives del parque.[2]. Tamién esisten l'aula de la natura de San Antolín d'Ibias, el Centru d'Enformación y Entepretación de Cerreéu (Degaña).

Referencies[editar | editar la fonte]

  1. http://www.elcomerciodigital.com/20060816/asturias/obras-parque-fuentes-narcea_200608161907.html Diario el Comercio
  2. http://www.ayto-cnarcea.es/vernoticias.php?n=p3 Conceyu de Narcea

Enllaces esternos[editar | editar la fonte]