Papa Ceferín

Papa Ceferín
15. Papa	; 199 - 20 avientu 217 ; ← Víctor I - Calistu I →
15. Papa
Vida
Nacimientu	Roma, fecha desconocida
Nacionalidá	ensin valor
Llingua materna	llatín
Muerte	Roma, 20 d'avientu de 217
Oficiu	sacerdote católicu
Llugares de trabayu	Roma
Santoral
	26 d'agostu
Creencies
Relixón	Ilesia Católica

Ceferín, (* Roma, ¿? – † 20 d'avientu de 217). Papa númberu 15 de la Ilesia católica de 199 a 217.

Fíu d'Abundiu, al aniciar el so pontificáu nomó a Calistu, que sería'l so socesor, archidiáconu de Roma, cargu equivalente al actual de Secretariu d'Estáu, y que supunxo convertilu nel so principal conseyeru, que, xunto a la escasa formación teolóxica, lu fixo depender totalmente d'aquelli.

Conocemos muncho más de Ceferín que de cualquier otru pontífiz de los primeros años de la Ilesia, anque esta información ta posiblemente sesgada al proceder del teólogu romanu Hipólitu, el que, na so obra Philosopheumena, acusaba al papa de siguidor del monarquianismu modalísticu o modalismu, doctrina que negaba la Trinidá y que posiblemente aceutó Ceferín, baxo la influyencia del so conseyeru Calistu, como rempuesta al montanismu. Na avandicha obra, Hipólitu describe a Ceferín como torpe y inorante, lo que pue ser ciertu, yá que nun gozaba de la conocencia teolóxica del so archidiáconu y conseyeru.

Ceferín estableció que los mozos, cumplíos los 14 años, fixeren la comunión per Pascua y que los cálices nun foren de madera. Introdució, amás, l'usu de la patena. Tamién escomulgó a Tertulianu.

Nel so pontificáu, aniciáu baxo'l gobiernu del emperador Septimiu Severu, volvieren a escomenzar les persecuciones contra los cristianos, persecuciones qu'amenorgaron tres la so muerte y nel gobiernu del so socesor, Caracalla, pero que se reactivaron al xubir, en 217, al tronu del imperiu Macrín, lo que fai afirmar a ciertes fontes que Ceferín morrió nesi mesmu añu tres sufrir martiriu, anque, al nun esistir pruebes documentales d'esta afirmación, lo más probable ye que finara de muerte natural.

Predecesor:
Vítor I

199-217

Socesor:
Calistu I

Referencies

↑ URL de la referencia: http://www.theguardian.com/news/datablog/2013/feb/13/popes-full-list.
↑ Afirmao en: Catholic-Hierarchy.org. Identificador Catholic Hierarchy de persona: zephyrin. Data de consulta: 18 ochobre 2020. Llingua de la obra o nome: inglés.

Enllaces esternos

Wikimedia Commons tien conteníu multimedia tocante a Papa Ceferín.

[3313b2fad0d2ebd32d50b0591108553874021ce0-1] URL de la referencia: http://www.theguardian.com/news/datablog/2013/feb/13/popes-full-list.

[f0de86ddf391040617cafab03e98979c193e311b-2] Afirmao en: Catholic-Hierarchy.org. Identificador Catholic Hierarchy de persona: zephyrin. Data de consulta: 18 ochobre 2020. Llingua de la obra o nome: inglés.

[1]

[2]