Pablo Suárez García

Pablo Suárez García
Vida
Nacimientu	Udrión, 1973 (50/51 años)
Nacionalidá	España
Estudios
Llingües falaes	asturianu; castellanu
Oficiu	investigador, escritor, traductor

Pablo Suárez García (1973, Udrión) ye investigador, traductor al asturianu y académicu de la llingua asturiana^[1], conocíu poles sos traducciones d'obres como Tirán el Blancu, coeditáu cola Acadèmia Valenciana de la Llengua, Proses profanes y la Tragèdia de Caldesa de Joan Roís de Corella. Tamién ye l'autor de la versión n'asturianu de Don Quixote de la Mancha. Enantes de ser nomáu académicu, tuvo participáu cola institución nes sos Xornaes Internacionales d'Estudiu y premiáu en delles ocasiones nos sos Concursos d'Investigación. D'otra banda, la so formación ye peramplia: Llicenciáu n'Inxeniería Superior de Telecomunicaciones, en Matemátiques y en Filoloxía Hispánica, amás de Doctor en Filoloxía pola Universidá d'Uviéu y Especialista en Filoloxía Asturiana.

En 2016, el Centru Asturianu de Madrid concedió-y el Premiu Urogallo na estaya d'asturianu.^[2]

Obra[editar | editar la fonte]

A la gueta'l coritu: d'El Picu Coritu trubiecu a la Eneida de Virxilio en Lletres Asturianes númberu 101 (2009)^[3]
Tirán el Blancu (2012)^[4]
La identificación d'autoría n'asturianu en Lletres Asturianes númberu 109 (2013)^[5]
La deturpación toponímica n'Asturies en Lletres Asturianes númberu 110 (2014)^[6]
La torna de los clásicos de la Corona d'Aragón a la llingua asturiana en Revista Mirabilia (2015)^[7]
L'arte la guerra. Sobre'l léxicu bélicu na nuesa llingua en Lletres Asturianes númberu 112 (2015)^[8]
Don Quixote de la Mancha (2015)^[9]
Decamerón (previstu pa 2017)^[10]