Organización de Pioneros Vladímir Lenin

Organización de Pioneros Vladímir Lenin
	Организация детских групп юных пионеров имени Спартака (ru); Детские коммунистические группы юных пионеров имени В. И. Ленина (ru); Детская коммунистическая организация юных пионеров имени В. И. Ленина (ru); Всесоюзная пионерская организация имени В. И. Ленина (ru)
	Movimiento de Pioneros (es)
Llocalización
Sede	Moscú
Direición	Xunión Soviética
Historia
1st All-Union meeting of Young Pioneers (en) [[File:Noun Project label icon 1116097 cc mirror.svg
6th All-Union meeting of Young Pioneers (en) [[File:Noun Project label icon 1116097 cc mirror.svg
7th All-Union meeting of Young Pioneers (en) [[File:Noun Project label icon 1116097 cc mirror.svg
8th All-Union meeting of Young Pioneers (en) [[File:Noun Project label icon 1116097 cc mirror.svg
9th All-Union meeting of Young Pioneers (en) [[File:Noun Project label icon 1116097 cc mirror.svg
5th All-Union meeting of Young Pioneers (en) [[File:Noun Project label icon 1116097 cc mirror.svg
3rd All-Union meeting of Young Pioneers (en) [[File:Noun Project label icon 1116097 cc mirror.svg
4th All-Union meeting of Young Pioneers (en) [[File:Noun Project label icon 1116097 cc mirror.svg
2nd All-Union meeting of Young Pioneers (en) [[File:Noun Project label icon 1116097 cc mirror.svg
10th All-Union meeting of Young Pioneers (en) [[File:Noun Project label icon 1116097 cc mirror.svg
Disolución	1r ochobre 1990
Orixe del nome	Espartacu; Lenin
Organigrama
Presidente	Nikolái Pávlovich Chaplin (es) (21 xunu 1922)
Participación empresarial
Organización matriz	Central Committee of the AULYCL (en)
Filiales	ver Pequeños de Octubre (es) ;
Forma parte de	ver International Committee of Children's and Adolescents' Movements (en) ;
Formáu por	Q125361955
Varios
Premios	(18 mayu 1972) 30px Orde de Lenin; (17 mayu 1962) 30px Orde de Lenin;

La Organización de Pioneros Vladímir Lenin (rusu: Всесою́зная пионе́рская организа́ция и́мени В. И. Ле́нина) o Organización de Pioneros de la Xunión Soviética foi una organización xuvenil de mases soviética, qu'arrexuntaba a neños ente los 10 y 15 años, esistente na Xunión Soviética ente 1922 y 1990.

Historia

Con posterioridá a la Revolución rusa diversos grupos scout acoyeron les idees revolucionaries, formando agrupaciones de talante scout allegaos al comunismu, como la ЮК (Юные Коммунисты), o mozos comunistes.

En 1922 el Congresu de la Unión de la Mocedá de Rusia decidió la creación d'una nueva organización de tipu scout qu'acoyera los principios ideolóxicos de la naciente Xunión Soviética.

La esposa de Lenin, Nadezhda Krúpskaya, foi una de les principales impulsoras d'esti nuevu movimientu, escribiendo na mesma dómina un ensayu tituláu Unión rusa de la Mocedá Comunista y el escultismu, onde se proponía un acercamientu d'esti postreru a los valores del comunismu.

El 19 de mayu de 1922 la Conferencia del Komsomol tomó la decisión de crear Unidaes de pioneros a lo llargo del país. Esti día foi consideráu darréu como'l de fundación de la Organización de les Uniones de Pioneros, qu'en xineru de 1924 foi bautizada col nome de Lenin, siendo conocida como la Organización de Pioneros Vladímir Lenin.

Yá a mediaos de 1923 la organización cuntaba con 75 mil miembros, creciendo a 161 mil en 1924, dos millones en 1926, cerca de 14 millones en 1940 y 25 millones en 1974. Dende 1923, la Organización de Pioneros, amás del Komsomol, impulsaron l'alfabetización.

En 1990 y como resultáu de los fondos cambeos que sufriera la Xunión Soviética, la organización dexó d'esistir.

Estructura

Hasta 1942 el grupu básicu de la organización foi'l destacamentu de pioneros que se formaba con neños que pertenecíen a la mesma escuela. A cuntar d'esi añu'l destacamentu foi compuestu con neños del mesmu grau de distintes escueles.

Esistía una categorización conforme a la edá: los neños de 10 años yeren llamaos pioneros de primer grau, de 11 a 12 años yeren de segundu grau y de 13 a 15 yeren de tercer grau. A cuntar d'esa edá podíen ingresar al Komsomol.

La direición nacional recayía nel Soviet Central de la organización, que caltenía una coordinación constante cola direición del Komsomol. Coles mesmes, y al igual qu'esti postreru, cuntaba con un diariu, el Pionérskaya Pravda.

La organización cuntaba con Palacios de Pioneros que sirvíen de centros comuñales pa la infancia, con actividaes manuales, deportives y de recreación. Coles mesmes, habilitáronse los Campamentos de Pioneros onde se realizaben actividaes pel branu y vacaciones. Dambes clases de centros yeren gratuitos, curiando del so mantención el gobiernu soviéticu y los sindicatos. El más renombráu d'estos campamentos foi'l d'Artek.

Premios

Los pioneros que destacaben nos estudios, deportes o actividaes yeren escoyíos pa la direición de pequeños grupos y unviaos como delegaos a los congresos de pioneros. Los llogros más importantes yeren reconocíos nel llibru d'honor. Mientres la Segunda Guerra Mundial munchos pioneros tomaron parte activa na llucha contra l'Alemaña nazi, incluyendo la llucha como partisanos en territorios ocupaos. Cerca de 30 mil d'ellos fueron premiaos con distintos medalles y condecoraciones y cuatro pioneros fueron gallardoniaos como héroes de la Xunión Soviética.

Ver tamién

Héroes-pioneros:
- Pávlik Morózov (1918-1932, Xunión Soviética)
- Abram Pinkenzon (1930-1942, Xunión Soviética)
- Volodia Dubinin (1928-1942, Xunión Soviética)
Palaciu de los Pioneros
Orlionok
Movimientu de Pioneros a nivel mundial:
- Organización de Pioneros José Martí (Cuba)
- Cuerpu de Mozos Pioneros de China
- Organización de Pioneros Ernst Thälmann (Alemaña Democrática)
Pequeños d'Ochobre
Organizaciones rellacionaes:
- Komsomol (Xunión Soviética)
- Mocedá Llibre Alemana (Alemaña Democrática)
- Lliga de la Mocedá Comunista de China (China Popular)
- Unión de Mozos Comunistes (Cuba)
Movimientu Scout
Campamentu de Pioneros

Referencies

Enllaces esternos

El Movimientu de Pioneros (enllaz rotu disponible n'Internet Archive; ver l'historial y la última versión).
"Pioneer" (revista soviética). Archive 1947-1990