Saltar al conteníu

Olvido Fanjul

De Wikipedia
Olvido Fanjul
Vida
Nacimientu Tremañes[1], 28 de setiembre de 1910[2]
Nacionalidá España
Muerte Xixón[1], 8 d'agostu de 2001[1] (90 años)
Familia
Familia
Oficiu militante
Premios
Miembru de Confederación Nacional del Trabayu
Asociación de Mujeres Antifascistas (es) Traducir
Cambiar los datos en Wikidata

Olvido Fanjul Camín (28 de setiembre de 1910, Tremañes – 8 d'agostu de 2001, Xixón) foi una republicana asturiana, que foi deportada a los campos de concentración nazis.[6][7][8]

Biografía

[editar | editar la fonte]

Nació el 28 de setiembre de 1910 nel barriu de Tremañes, n'Asturies.[8][9] Fía de Carmen Camín García y de Manuel Fanjul Olay. Los sos güelos paternos, Teresa Olay "La Chispa" y Celestino Fanjul, fundaron el movimientu socialista na ciudá de Xixón al pie de Francisco Cadevieco y Eduardo Varela.[10][11] Quedóse güérfana de padre y madre a los 14 años, momentu nel que tuvo qu'empezar a trabayar na fábrica testil de L'Algodonera.[9][12]

D'idees antifranquistas y republicanes, foi militante de la CNT.[13][14] En 1933 afiliose a l'Agrupación de Muyeres Antifascistes.[6][12] Realizó un cursu d'enfermería.[12] Mientres la guerra civil española, exerció de auxiliar sanitaria con Socorru Coloráu Internacional nel hospitalillo d'El Natahoyo, en Xixón.[9][12] Ellí emprestaba atención sobremanera a les muyeres con pocos recursos.[12]

El 23 de setiembre de 1937, énte la inminente cayida del frente republicanu en Xixón, Fanjul formó parte d'una de les espediciones de los Neños de Rusia pa sacupar a 1.100 menores de la ciudá, fuxendo nun barcu a Saint-Nazaire, en Francia, onde dempués s'embarcó nel trasatlántico Kooperasia hasta Londres.[9][11][12] Ellí, la comitiva foi treslladada al buque Félix Dzerznsky con destín Leningrado, onde llegaron el 4 d'ochobre de 1937.[9][11][12] Fanjul instalose con un grupu de neños en Pushkin, onde foi una de les educadores y cuidadores de les Cases de Neños españoles.[11][12] Ellí caltuvo una relación sentimental con un militar rusu, Dimitri, qu'el 22 de xunu de 1941, col entamu de la operación Barbarossa, foi unviáu al frente y al que nun volvió ver.[11]

En septiembre de 1941, los nazis abarganaron Leningrado, y los neños de la Casa de Pushkin na que taba Fanjul fueron unviaos al este.[12] Sicasí, Fanjul, que taba embarazada, decidió quedase en Pushkin a la espera de noticies del so home.[12] Finalmente, a finales d'ese mesmu añu foi detenida poles fuerces alemanes.[9] Tuvo un añu na cárcel estona de Tallín, onde la obligaron a realizar trabayos forzaos.[9][12] Nel iviernu de 1942 dio a lluz al so fíu Dimitri, que-y foi arrampuñáu polos nazis a los trés meses, alegando que sería destináu al serviciu de Hitler.[12][15]

El 26 de marzu de 1943 foi deportada al campu de concentración de Ravensbrück, conocíu como La ponte de cuervos y l'únicu esclusivu para muyeres, nel que se convirtió na prisionera 18.217.[9][11][12][15] Foi de les trés primeres españoles deportaes a ese riolo, anque constaba nes llistes como rusa, al ser treslladada dende la Unión Soviética, y una de les cinco asturianes al pie de Rita Pérez, Leonor Rubianu, Natividad Fernández y la fía d'esta, Ánxeles Álvarez Fernández.[12]

El robu del so fíu polos nazis produció-y un fondu dolor al que sobrevivió gracies a la solidaridá d'otres compañeres deportaes, que la protexeron y obligaron a comer.[10] Cuando se recuperó, tuvo que realizar trabayos forzaos de peonaje y para la industria de guerra faciendo soldadura con autógena para fabricar cohetes V1 y V2 para Siemens.[10] Al nun cuntar con midíes de protección nos trabayos de soldadura, sufrió daños na visión.[10] Coincidió nel campu de Ravensbrück con Dorothea Binz, y una de les palices que recibió poles guardianes de les SS provocó-y perda d'audición.[10]

El 23 d'abril de 1945, unos díes primero que l'exércitu soviéticu lliberara el campu de Ravensbrück, llegaron los buses blancos de la Cruz Roja Sueca que sacuparon a Fanjul y a otres 300 muyeres, la mayoría franceses.[16] Asina , convirtiose n'una de los cuatro asturianes que llograron sobrevivir a Ravensbrück, siendo asesinada la quinta d'elles, Leonor Rubianu , na cámara de gas.[11] Fanjul foi treslladada a un centru hospitalariu en Gotemburgo, onde permaneció mientres dellos meses para recibir atención médica.[10] Dempués siguió la so recuperación n'una residencia francesa en Arcachón, onde tuvo hasta mayu de 1946.[10]

Depués estableció la so residencia en Tarbes.[9] Una vegada ellí, el so hermanu Celestino escribiólu una carta onde lu comunicó qu'el so cuñáu, el excombatiente republicanu de Xixón Gerardo Blanco, atopábase enfermu na mesma localidá.[10] Fanjul curió de Blanco hasta la recuperación d'este, permaneciendo xuntos dende entós.[10]

Fueron vivir a Cité d'Urac, na zona rural de Tarbes, onde Fanjul empezó a trabayar como cordudera y Blanco na construcción. Tuvieron trés fíos.[9] En xineru de 1963, volvieron a Xixón.[9][10] Nun foi hasta unos díes primero que Fanjul y Blanco casáronse y bautizaron a los sos trés fíos, para evitar represalies franquistes.[10] Aun así, Blanco tenía de presentase de manera regular nel cuartel de la Guardia Civil.[10]

Fanjul finó en 2001, a los 90 años, na so ciudá natal.[17]

Reconocencies

[editar | editar la fonte]

El 31 de marzu de 2022, instalose na cai Rufino García Sotura de Xixón un Stolpersteine nel so honor, cola siguiente inscripción «Equí vivió Olvido Fanjul Camín. Nacida en 1910. Exiliada na Unión Soviética. Deportada en 1943 a Ravensbruck. Lliberada».[9] El de Fanjul foi el primer adoquín instaláu na ciudá asturiana de Xixón para recordar a les 34 persones de la ciudá víctimes del nazismu , siendo instalaos ese mesmu día tamién los de los deportaos Víctor Cueto, Manuel Cortés, Evaristo Rebollar, Aurelio Acebal y Alfredo Andrés.[9][11]

Bibliografía

[editar | editar la fonte]
  • Grupo Deportados Asturias (2023).Tropezando con la memoria de Gijón. Concejalía de Memoria Democrática del Ayuntamiento de Gijón/Xixón. Depósito Legal: AS 01781-2023.
  • Voces Disidentes contra la misoginia: Nuevas perspectivas desde la sociología, la literatura y el arte. Pablo García Valdés, Raisa Gorgojo Iglesias, Enrique Mayor de la Iglesia. ISBN 978-84-1122-641-7
  • Álvarez, M. G. (2021). Noche y Niebla en los campos nazis: Historias heroicas de españolas que sobrevivieron al horror. Espasa. ISBN 978-8467062502
  • Marti, C., & Martí, C. (2020). La Paloma de Ravensbrück. Alianza Editorial. ISBN 9788417805357

Referencies

[editar | editar la fonte]
  1. ↑ 1,0 1,1 1,2 URL de la referencia: https://www.clarin.com/internacional/espana/olvido-fanjul-mujer-espanola-protegio-mil-ninos-tiempos-nazismo_0_bQyDN6Tjc.html. Data de consulta: 13 xunetu 2023.
  2. ↑ URL de la referencia: https://banc.memoria.gencat.cat/ca/results/deportats/9386. Data de consulta: 13 xunetu 2023.
  3. ↑ URL de la referencia: https://www.elcomercio.es/sociedad/victimas-asturianas-horror-nazi-20220320002404-ntvo.html. Data de consulta: 13 xunetu 2023.
  4. ↑ URL de la referencia: https://www.lavozdeasturias.es/noticia/gijon/2022/03/31/gijon-coloca-primer-adoquin-memoria-recordar-olvido-fanjul/00031648742992765439658.htm. Data de consulta: 13 xunetu 2023.
  5. ↑ 5,0 5,1 URL de la referencia: https://www.lne.es/gijon/2022/03/31/placa-olvido-fanjul-deportada-gijonesa-64487663.html. Data de consulta: 13 xunetu 2023.
  6. ↑ 6,0 6,1 «Olvido Fanjul, una española víctima del nazismo y de la indiferencia | Radio Sefarad» (castellanu). Consultáu'l 2023-07-13.
  7. ↑ Clarín.com (2020-04-30). «Olvido Fanjul, la mujer española que protegió a mil niños en tiempos del nazismo» (castellanu). Clarín. Consultáu'l 2023-07-13.
  8. ↑ 8,0 8,1 «Olvido Fanjul Camín» (catalán). Banc de la Memòria Democràtica. Consultáu'l 2023-07-13.
  9. ↑ 9,00 9,01 9,02 9,03 9,04 9,05 9,06 9,07 9,08 9,09 9,10 9,11 9,12 «El primer adoquín de la memoria recuerda a la gijonesa Olvido Fanjul» (castellanu). La Voz de Asturias (2022-04-01). Consultáu'l 2023-07-13.
  10. ↑ 10,00 10,01 10,02 10,03 10,04 10,05 10,06 10,07 10,08 10,09 10,10 10,11 (mayo de 2023) Tropezando con la memoria de Gijón.
  11. ↑ 11,0 11,1 11,2 11,3 11,4 11,5 11,6 11,7 Mayordomo, Laura (2022-03-20). «Víctimas asturianas del horror nazi» (castellanu). El Comercio: Diario de Asturias. Consultáu'l 2023-07-13.
  12. ↑ 12,00 12,01 12,02 12,03 12,04 12,05 12,06 12,07 12,08 12,09 12,10 12,11 12,12 12,13 «Olvido Fanjul Camín – Rotspanier» (castellanu). Consultáu'l 2023-07-13.
  13. ↑ Lombardía, Sandra F. (2022-03-31). «Una placa para Olvido Fanjul, deportada gijonesa del nazismo: "El homenaje llega tarde, pero llega"» (castellanu). La Nueva España. Consultáu'l 2023-07-13.
  14. ↑ Lombardía, Sandra F. (2022-04-01). «Adoquines en las calles de Gijón contra el olvido de la barbarie nazi» (castellanu). La Nueva España. Consultáu'l 2023-07-13.
  15. ↑ 15,0 15,1 Lorenci, Miguel (2021-05-30). «Españolas en el infierno de Ravensbrück» (castellanu). El Diario Vasco. Consultáu'l 2023-07-13.
  16. ↑ «Adoquines de la memoria homenajean a gijoneses víctimas de los campos nazis». www.rtpa.es. Consultáu'l 2023-07-13.
  17. ↑ «Olvido Fanjul Camin». www.unidadylucha.es. Consultáu'l 2023-07-13.

Enllaces esternos

[editar | editar la fonte]
Sacáu de «https://ast.wikipedia.org/w/index.php?title=Olvido_Fanjul&oldid=4304522»