Offenbach del Meno

Offenbach del Meno
Alministración
País	Alemaña
Estáu federáu	Hesse
Regierungsbezirk	Darmstadt
Tipu d'entidá	gran ciudá
Cabezaleru/a del gobiernu	Felix Schwenke (Partíu Socialdemócrata d'Alemaña)
Nome oficial	Offenbach am Main (de)
Nome llocal	Offenbach am Main (de)
Códigu postal	63065, 63067, 63069, 63071, 63073 y 63075
Xeografía
Coordenaes	50°06′00″N 8°46′00″E / 50.1°N 8.7667°E
	Offenbach del Meno Offenbach del Meno (Alemaña)
Superficie	44.88 km²
Altitú	98 m
Llenda con	Frankfurt del Main, Distrito de Meno-Kinzig (es) y Offenbach (es)
Demografía
Población	135 490 hab. (31 avientu 2023); - 65 045 muyeres (31 ochobre 2019)
Porcentaxe	100% de Darmstadt
Densidá	3018,94 hab/km²
Más información
Prefixu telefónicu	069
Estaya horaria	UTC+01:00 (horariu estándar); UTC+02:00 (horariu de branu)
Llocalidaes hermaniaes	Zemun, Esch-sur-Alzette, Tower Hamlets (es) , Puteaux, Nahariya, Velletri (es) , Mödling, Saint-Gilles (es) , Kawagoe, Rivas, Oriol, Yangzhou, Kőszeg (es) y Uşak
	offenbach.de

Offenbach del Main (alemán: Offenbach am Main), ye una ciudá alemana asitiada nel Land de Hesse, na oriella sur del ríu Meno. Tien 118.770 habitantes (31 d'avientu de 2009). Al oeste colinda con Frankfurt del Main.

Datos xeográficos

Superficie: 44,9 km²
Habitantes: 118.770 (31 d'avientu de 2009)
Altor: 97 - 166 m
Coordenaes: 50° 06' altitud norte; 08° 46' llatitú esti.

Barrios

Offenbach estrémase oficialmente en 21 barrios ('Stadtteile'). Dichos barrios son, n'orde alfabéticu:

Bieber
Bieberer Berg
Buchhügel
Buchrain
Bürgel
Carl-Ullrich-Siedlung
Hafen

Kaiserlei
Lauterborn
Lindenfeld
Mathildenviertel
Musikerviertel
Nordend
Offenbach-Ost

Rosenhöhe
Rumpenheim
Senefelderquartier
Tempelsee
Waldheim
Westend
Zentrum

Historia

Los restos d'asentamientos más antiguos atopaos en Offenbach daten de la edá de piedra. Sicasí méntase'l llugar per primer vegada nel añu 977. La zona camudó delles vegaes de dueñu a lo llargo de la historia. Los condes de Isenburg fueron unos de los primeros nobles acomuñaos cola ciudá. Entá güei el palaciu de Isenburg lleva'l so nome.

En 1815 y tres el congresu de Viena Offenbach foi axudicada a Austria pa volver a manes de la casa de Hesse-Darmstadt pocu dempués.

Mientres la Segunda Guerra Mundial el 36 % de la ciudá foi destruyíu. Cola reconstrucción mientres la posguerra, Offenbach devasó l'estragal de los 100.000 habitantes en 1954.

En 1956, la ciudá foi gallardoniada, conxuntamente cola francesa Puteaux, col Premiu d'Europa, una distinción dada añalmente dende 1955 pol Conseyu d'Europa a aquellos conceyos que fixeren notables esfuercios pa promover l'ideal de la unidá europea.

Economía

D'antiguo Offenbach yera un centru d'ellaboración de cueru anque na actualidá esta parte de la economía quedó casi abandonada. Na ciudá y la so contorna hai importantes instalaciones de la industia química, industria de fabricación d'imprentes, etc.

Offenbach ye sede del Serviciu Alemán de Meteoroloxía (Deutscher Wetterdienst) y de dalguna alministración federal.

Nos últimos años, Offenbach recibió empreses d'una llarga paleta de servicios, especialmente nel sector tresporte. Offenbach alluga les sedes europees Hyundai Motors y Kumho Tires y la filial de Honda n'Alemaña.

En Offenbach ta asitiada la casa matriz de Pirastro, fabricante de cuerdes pa preseos de cuerda estregada (violín, viola, violoncelo, contrabaxu), de sonadía mundial.