Islla Nueva Xeorxa
| Islla Nueva Xeorxa | |
|---|---|
 | |
| Situación | |
| Reinos |  Islles Salomón |
Provincia (es)  | Provincia Occidental (es) |
| Tipu | islla |
| Parte de | Islles Nueva Xeorxa |
| Asitiáu en | Mar de Salomón |
| Coordenaes | 8°15′S 157°30′E / 8.25°S 157.5°E |
  Islla Nueva Xeorxa Islla Nueva Xeorxa (Islles Salomón) | |
| Datos | |
| Altitú media | 860 m |
| Superficie | 2037 km² |
| Llonxitú | 72 km |
 | |
Nueva Xeorxa ye una islla de les Islles Salomón, nel océanu Pacíficu sur.
Xeografía
[editar | editar la fonte]Ye la mayor de les islles que formen parte de la provincia Occidental y ta integrada nel grupu de les islles Nueva Xeorxa. La principal ciudá de la islla ye Munda, nel llagu Roviana, siguida de Boro, 17 km al norte de la primera, dambes con más de 3000 habitantes.
Tien un llargor de 72 km nel so llau más llargu y una superficie de 2037 km². El puntu más eleváu de la islla tien un altor de 1007 metros.
Ta asitiada, al igual que'l restu de les islles del grupu, nel llau inferior del estrechu de Nueva Xeorxa. La islla de Kolombangara alcuéntrase al oeste, tres el golfu de Kula, la islla de Vanguna al este, y la canal Blanche y les islles de Rendova y Tetepare al sur.
La islla ta cubierta de montes tropicales, y les actividaes económiques principales son la pesca y la silvicultura.
Población
[editar | editar la fonte]En 1997 la islla tenía 19.000 habitantes. Na islla falen llingües del grupu de les llingües de Nueva Xeorxa, del grupu austronesiu, que de la mesma s'estremen n'occidentales y orientales.
Historia
[editar | editar la fonte]Mientres la Segunda Guerra Mundial la islla foi tomada poles tropes xaponeses y darréu invadida poles tropes estauxunidenses mientres la batalla de Nueva Xeorxa.[1]
Los primeres desembarcos estauxunidenses produciéronse'l 30 de xunu de 1943 y la islla foi controlada'l 23 d'agostu del mesmu añu tres intenses lluches na xungla, anque los combates siguieron hasta ochobre.
La ciudá de Munda foi la base del exércitu xaponés y nun foi tomada polos estauxunidenses hasta'l 5 d'agostu. Les instalaciones xaponeses de Bairoko Harbor, 13 km al norte de Munda, nun fueron tomaes hasta'l 25 d'agostu.
Tresporte
[editar | editar la fonte]Hai vuelos directos entre Munda y Ḥoniara, la capital del país. Pa promover el turismu, Solomon Airlines introdució un vuelu directu selmanal entre Brisbane y Munda en 2019.
Referencies
[editar | editar la fonte]Bibliografía
[editar | editar la fonte]- [1] Samisoni Pareti: Solomons, issue 80, p. 10. Honiara 2019.(n'inglés).
Enllaces esternos
[editar | editar la fonte]
Wikimedia Commons acueye conteníu multimedia sobre Islla Nueva Xeorxa.
