Ni1 Coronae Borealis
| Constelación | Corona Borealis |
| Ascensión reuta α | 16h 22min 21,42s |
| Declinación δ | +33º 47’ 56,9’’ |
| Distancia | 555 años lluz |
| Magnitú visual | +5,20 |
| Magnitú absoluta | -0,96 |
| Lluminosidá | 817 soles |
| Temperatura | 3765 K |
| Masa | 2,5 soles |
| Radiu | 67 soles |
| Tipu espectral | M2III |
| Velocidá radial | -12,7 km/s |
Ni1 Coronae Borealis (ν1 CrB / 20 Coronae Borealis / HD 147749)[1] ye una estrella na constelación de Corona Borealis que la so magnitú aparente ye +5,20. Forma una estrella doble óptica con ν2 Coronae Borealis y, anque dambes estrelles tán dixebraes apenes unos 10 años lluz (una distancia que puede ser daqué mayor o menor por cuenta d'erros de midida), los distintos movimientos propios y velocidaes radiales indiquen qu'a cencielles tán pasando una al llau de la otra.[2]
A unos 555 años lluz de distancia del Sistema Solar, Ni1 Coronae Borealis ye una xigante colorada de tipu espectral M2III. El so diámetru angular pudo ser midíu por interferometría, resultando ser el so radiu 67 vegaes más grande qu'el radiu solar. Incluyendo la gran cantidá de radiación infrarroxo emitida dada la so baxa temperatura (3765 K), la lluminosidá de Ni1 Coronae Borealis ye 817 vegaes mayor qu'el Sol. La so edá envalórase nunos 750 millones d'años.[2]
Ni1 Coronae Borealis ye una estrella variable con una variación de rellumu de namái 0,08 magnitúes.[3]
