Naves (parroquia de Llanes)

Naves
Alministración
País	España
Autonomía	Principáu d'Asturies
Provincia	provincia d'Asturies
Conceyu	Llanes
Partíu xudicial	Llanes
Tipu d'entidá	parroquia d'Asturies
Xeografía
Coordenaes	43°26′22″N 4°53′23″W / 43.43948°N 4.88985°O
	Naves Naves (Asturies)
Superficie	4.72 km²
Altitú	39 m
Llenda con	Posada, Rales, Los Carriles y Ḥontoria
Demografía
Población	149 hab. (2024)
Porcentaxe	1.1% de Llanes
Densidá	31,57 hab/km²
Más información
Estaya horaria	UTC+01:00

Naves^[2] ye una parroquia del conceyu de Llanes, nel Oriente d'Asturies. El pueblu del mesmu nome, únicu habitáu na parroquia, allúgase xunta al Mar Cantábricu, a media hora de Cuadonga y el parque nacional de los Picos d'Europa; a menos d'una hora d'Uviéu, Xixón y Santander, y a diez minutos de Llanes y Ribeseya. Tien dos sableres, Gulpiyuri y Beón, y un monumentu nacional: el monesteriu de Santolín de Beón, del sieglu XII. La llocalidá, que recibiera en 1961 el premiu al "Pueblu más guapu d'Asturies", cuntia con un ñudu d'enllaz n'autovía del Cantábricu. La parroquia tien una estensión de 4,72 km²^[3] y una población de 149 habitantes (2024)^[4].

Cómo llegar

Naves cuntia con un ñudu d'accesu n'autovía del Cantábricu (A-8, antigua N-634), que se correspuende cola sortida númberu 313. El pueblu ta asitiáu xunta la carretera comarcal que xune Llanes y Ribeseya (AS-263), a tres quilómetros de Posada y a cinco de Nueva y a la metada'l camín ente Uviéu y Santander. Ye'l pueblu más oriental del valle de San Xurde, y dista 12 km de la capital municipal, Llanes, y 15 quilómetros de Ribeseya. Tamié puede accedese a Naves dende la zona de los Picos d'Europa, Cangues d'Onís y Cabrales al través de la carretera del Ríu Las Cabras (AS-114): basta con allegar a Posada y coyer l'AS-263 hacia Ribeseya. Naves ta a tres quilómetros del cruce de Posada.

Barrios

El Requexu, El Ríu Montés, Iyán, L'Oteru, La Bolera, La Bolerina, La Calle, La Flor, La Ḥondera, La Pedrera, La Pica, La Pola, La Vega, Marrón, Samartín,la Bolera, San Vicenti y Santana.

Sableres

Beón y Gulpiyuri. Dambes pertenecen al Paisax Protexíu de la Costa Oriental d'Asturies. La segunda ye tamién Monumentu Natural.

Monumentos

Monesteriu de Santolín de Beón (monumentu nacional), del sieglu XII, y ilesia de Santolín de Naves y Beón, reconstruida en 1924.

Fiestes

Santolín (1 y 2 de setiembre), Santana (26 de xunetu), La Sacramental, San Vicenti y Samartín.

Ver tamién

Pa ver otros sitios col mesmu nome: Naves
Bedoniana

Referencies

↑ Afirmao en: Q107986385. Editorial: Institutu Xeográficu Nacional d'España.
↑ «Espediente colos topónimos oficiales de Llanes». BOPA.
↑ Ajuste del mapa de parroquias. Mapa de entidades colectivas de población. Uviéu, SADEI, 2012. Actualizáu'l 1 de febreru de 2024.
↑ Nomenclátor del INE: Población del padrón continuo por unidad poblacional. (Institutu Nacional d'Estadística).

Enllaces esternos

	Parroquies de Llanes
Andrín \| Ardisana \| Barru \| La Borbolla \| Caldueñu \| Los Caleyos \| Carranzo \| Los Carriles \| Celoriu \| Cue \| Ḥontoria \| Llanes \| La Maletería \| Meré \| Naves \| Nueva \| Parres \| Pendueles \| Po \| Porrúa \| Posada \| Pría \| Purón \| Rales \| San Roque l'Acebal \| Tresgrandas \| Vibañu \| Vidiago

[295a86791112e9f6fb69c894402525c5375513b3-1] Afirmao en: Q107986385. Editorial: Institutu Xeográficu Nacional d'España.

[toponimia-llanes-2] «Espediente colos topónimos oficiales de Llanes». BOPA.

[3] Ajuste del mapa de parroquias. Mapa de entidades colectivas de población. Uviéu, SADEI, 2012. Actualizáu'l 1 de febreru de 2024.

[4] Nomenclátor del INE: Población del padrón continuo por unidad poblacional. (Institutu Nacional d'Estadística).

[1]

[2]

[3]

[4]