Naves

Naves
Alministración
País	España
Autonomía	Principáu d'Asturies
Provincia	provincia d'Asturies
Conceyu	Llanes
Tipu entidá	parroquia d'Asturies
Xeografía
Coordenaes	43°26′30″N 4°53′22″O
Naves Naves (Asturies)
Demografía
Más información
Estaya horaria	UTC+01:00

Naves ye un pequeñu pueblu y una parroquia del conceyu de Llanes, nel Oriente d'Asturies. Allugáu xunta al Mar Cantábricu, ta a media hora de Cuadonga y el parque nacional de los Picos d'Europa; a menos d'una hora d'Uviéu, Xixón y Santander, y a diez minutos de Llanes y Ribeseya. Tien dos sableres, Gulpiyuri y Beón, y un monumentu nacional: el monasteriu de Santolín de Beón, del sieglu XII. La llocalidá, que recibiera en 1961 el premiu al "Pueblu más guapu d'Asturies", cuntia con un ñudu d'enllaz n'autovía del Cantábricu. Tien 180 habitantes (103 muyeres y 77 homes) lo que supón el 1,36% de los 13.184 habitantes del conceyu; 128 cases (58 tan habitaes y 70 vacíes), con una densidá d'habitante/casa de 3,1 persones, siendo la del conceyu 2,96.

Cómo llegar

Naves cuntia con un ñudu d'accesu n'autovía del Cantábricu (A-8, antigua N-634), que se correspuende cola sortida númberu 313. El pueblu ta asitiáu xunta la carretera comarcal que xune Llanes y Ribeseya (AS-263), a tres kilómetros de Posada y a cinco de Nueva y a la metada'l camín ente Uviéu y Santander. Ye'l pueblu más oriental del valle de San Xurde, y dista 12 km de la capital municipal, Llanes, y 15 kilómetros de Ribeseya. Tamié puede accedese a Naves dende la zona de los Picos d'Europa, Cangues d'Onís y Cabrales al través de la carretera del Ríu Las Cabras (AS-114): basta con allegar a Posada y coyer l'AS-263 hacia Ribeseya. Naves ta a tres kilómetros del cruce de Posada.

Barrios

El Requexu , El Ríu Montés, Iyán, L'Oteru, La Bolera, La Bolerina, La Calle, La Flor, La H.ondera, La Pedrera, La Pica, La Pola, La Vega, Marrón, Samartín,la Bolera, San Vicenti y Santana.

Sableres

Beón y Gulpiyuri. Dambes pertenecen al Paisax Protexíu de la Costa Oriental d'Asturies. La segunda ye tamién Monumentu Ñatural.

Monumentos

Monasteriu de Santolín de Beón (monumentu nacional), del sieglu XII, y ilesia de Santolín de Naves y Beón, reconstruida en 1924.

Fiestes

Santolín (1 y 2 de setiembre), Santana (26 de xunetu), La Sacramental, San Vicenti y Samartín.

Ver tamién

• Bedoniana

Enllaces esternos

• Hotel La Fonte
• Apartamentos rurales Gulpiyuri
• Llagar-Sidrería Cabañón
• La Páxina de Naves

• Datos: Q837784
• Multimedia: Naves (Llanes)