La Borbolla (Llanes)

La Borbolla
Alministración
País	España
Autonomía	Principáu d'Asturies
Provincia	provincia d'Asturies
Conceyu	Llanes
Partíu xudicial	Llanes
Tipu d'entidá	parroquia d'Asturies
Xeografía
Coordenaes	43°22′15″N 4°38′11″W / 43.37082°N 4.63629°O
	La Borbolla La Borbolla (Asturies)
Altitú	101 m
Llenda con	Tresgrandas, Carranzo, Vidiago, Alles, Llonín, Alevia y Noriega
Demografía
Población	158 hab. (2020)
Porcentaxe	1.17% de Llanes
Más información
Estaya horaria	UTC+01:00

La Borbolla^[2] ye una parroquia del conceyu asturianu de Llanes. Ta allugada nel estremu suroriental del conceyu, y llenda: al norte coles parroquies llanisques de Carranzo y Tresgrandas, al sur colos conceyos de Peñamellera Alta y Peñamellera Baxa, al este col conceyu de Ribedeva y al oeste cola parroquia de Vidiago. La so estensión ye de 10,53 km² de terrenu de la vertiente norte de la sierra del Cuera, y hai nella un únicu nucleu de población. La parroquia, que yera filial de la de Carranzo, dixebróse d'ella a primeros del sieglu XX.

El pueblu de La Borbolla tien 167 habitantes (INE, 2009), que son conocíos como jarotos, y que se reparten per varios barrios: La Braña Vieja, El Ganciosu, El Prau, El Colláu, El Molinu la Pisa... Ente los edificios más destacaos d'esti pueblu, ganador del concursu al más guapu d'Asturies na edición de 1963, rescampla la ilesia, consagrada a San Sebastián y "construida en 1735 á expensas del capitán D. Juan González del Aedo, residente en Cartagena de Indias y natural de aquel pueblo"^[3] Tamién gracies a él llevantose escuela nesta población, qu'axunta a lo guapu del llugar ú s'asitia la esistencia d'una plaza perguapa y de delles casones llevantaes con perres de les Amériques.

Nel pueblu se celebra, el primer sábadu d'agostu, la fiesta de La Sacramental, una de les más antigües del conceyu.

Ver tamién

Pa ver otros sitios col mesmu nome: La Borbolla

Referencies

↑ Afirmao en: Modelo Digital del Terreno de España de 5 metros. Editorial: Institutu Xeográficu Nacional d'España.
↑ «Espediente colos topónimos oficiales de Llanes». BOPA.
↑ Saro y Rojas, José, "Llanes", en Asturias, d'Octavio Bellmunt y Fermín Canella, Xixón, 1895. Volumen I, p.298.

Enllaces esternos

	Parroquies de Llanes
Andrín \| Ardisana \| Barru \| La Borbolla \| Caldueñu \| Los Caleyos \| Carranzo \| Los Carriles \| Celoriu \| Cue \| Ḥontoria \| Llanes \| La Maletería \| Meré \| Naves \| Nueva \| Parres \| Pendueles \| Po \| Porrúa \| Posada \| Pría \| Purón \| Rales \| San Roque l'Acebal \| Tresgrandas \| Vibañu \| Vidiago

[295a86791112e9f6fb69c894402525c5375513b3-1] Afirmao en: Modelo Digital del Terreno de España de 5 metros. Editorial: Institutu Xeográficu Nacional d'España.

[toponimia-llanes-2] «Espediente colos topónimos oficiales de Llanes». BOPA.

[3] Saro y Rojas, José, "Llanes", en Asturias, d'Octavio Bellmunt y Fermín Canella, Xixón, 1895. Volumen I, p.298.

[1]

[2]

[3]