Navajún

Navajún
Alministración
País	España
Autonomía	La Rioxa
Subdivisión alministrativa	Rioja Baja (es)
Comarca	Comarca de Cervera (es)
Tipu d'entidá	conceyu de La Rioxa
Alcalde de Navajún (es)	Blas Fernández Laya
Nome oficial	Navajún (es)
Códigu postal	26533
Xeografía
Coordenaes	41°57′50″N 2°05′55″W / 41.963888888889°N 2.0986111111111°O
	Navajún Navajún (España)
Superficie	16.38 km²
Altitú	930 m
Llenda con	Aguilar del Río Alhama, Valdemadera, San Pedro Manrique, Valdeprado y Cigudosa
Demografía
Población	8 hab. (2023); - 8 homes (2019); - 2 muyeres (2019)
Porcentaxe	100% de Comarca de Cervera (es) ; 100% de Rioja Baja (es) ; 0% de La Rioxa; 0% de España
Densidá	0,49 hab/km²
Más información
Estaya horaria	UTC+01:00
	navajun.org

Navajún ye un conceyu de la comunidá autónoma de La Rioxa (España) na Contorna de Cervera.

Ye conocíu mundialmente poles mines de pirites, que s'esploten como minerales ornamentales. Pueden topase exemplares de pirita de Navajún en cualquier llugar del mundu incluyíu, por casu, el Muséu d'Historia Natural de Londres.

Historia[editar | editar la fonte]

El nome del pueblu provién posiblemente del términu prerromanu nava, qu'en euskera quier dicir 'anchor', en rellación con que'l so términu municipal tien igual distancia de norte a sur que d'este a oeste.

La primer mención del so nome apaez en 1381, por cuenta de les donaciones d'Enrique II de Trastámara en favor del caballeru navarru Juan Ramírez de Arellano pol sofitu na llucha contra Pedru I de Castiella.

Perteneció a la provincia de Soria hasta la creación de la de Logroño en 1833.

Demografía[editar | editar la fonte]

El conceyu, que tien una superficie de 16,38 km²,^[2] cuenta según el padrón municipal pa 2017 del INE con 14 habitantes y una densidá de 0,85 hab./km².

Gráfica d'evolución demográfica de Navajún ente 1842 y 2017

Población de derechu según los censos de población del INE.^[3] Población según el padrón municipal de 2017.^[4]

Hasta 1842 denominábase Navajón.

Economía[editar | editar la fonte]

Evolución de la delda viva[editar | editar la fonte]

El conceutu de delda viva contempla namái les deldes con caxes y bancos relatives a creitos financieros, valores de renta fixa y préstamos o creitos tresferíos a terceros, escluyéndose, poro, la delda comercial.

Ente los años 2008 a 2014 esti conceyu nun tuvo delda viva.^[5]

Comunicaciones[editar | editar la fonte]

Navajún pertenez a la Mancomunidá Alhama-Llinares, y ye unu de los pueblos más meridionales de la Rioxa Baxa. Apuértase bien pola N-113 o pola N-232 a partir de la LR-123, pola LR-284, y finalmente pola LR-490, que la xune cola llocalidá vecina de Valdemadera.

Llugares d'interés[editar | editar la fonte]

Arquiteutura relixosa[editar | editar la fonte]

Ilesia Parroquial de San Blas. Calcúlase que foi construyida na primer metá del sieglu XVI. La torre foi llevantada na primer metá del XVII y el so cuerpu altu, barrocu del sieglu XVIII.
Ermita de Santa María de Atisca. Edificiu barrocu del sieglu XVII, atópase na actualidá nun mala traza de caltenimientu.

La mina de pirita[editar | editar la fonte]

Exemplar de pirita estrayíu na mina de Navajún (Midíes: 95 mm x 78 mm; cristal principal: 31 mm d'aresta. Pesu 512 g)

Navajún ye unu de los pocos conceyos que cunta con una mina de pirita n'esplotación. Ésta nun tien fines industriales, sinón que s'esplota pola perfeición de les pieces que se llogren. Ello ye que tán presentes nos museos mineralóxicos más importantes del mundu.

Foi afayada nel añu 1960 pol mineru Pedro Ansorena, mientres realizaba unos trabayos pa la Real Compañía Asturiana de Mines. Afayáronse dende entós en trés capes asitiaes a distintos niveles, trabayándose namái nos dos primeres.