Masái Mara

De Wikipedia
Saltar a navegación Saltar a la gueta
Masái Mara
área protexida de Kenia
Mara River Massai Mara.jpg
Llocalización
Condáu condáu de Narok
Coordenaes 1°29′24″S 35°08′38″E / 1.49°S 35.1439°E / -1.49; 35.1439Coordenaes: 1°29′24″S 35°08′38″E / 1.49°S 35.1439°E / -1.49; 35.1439
Masái Mara alcuéntrase en Kenia
Masái Mara
Masái Mara
Masái Mara (Kenia)
Historia y usu
Apertura1961
Arquiteutura
Superficie 580 mi²
Patrimoniu de la Humanidá
Criteriu (v), (vii) y (x) (es) Traducir
Rexón África
Inscripción )
Cambiar los datos en Wikidata

Masái Mara (o Massai Mara o Maasai Mara) ye una reserva natural nacional asitiada al sudoeste de Kenia, nel condáu de Narok. Forma parte de la rexón del Serengueti y ye en realidá una continuación del parque nacional del Serengueti. Llámase asina porque la tribu masái habita esta zona y pol ríu Mara que la crucia. Ye famosu pola so fauna esceicional.

Carauterístiques[editar | editar la fonte]

Ocupa una área de 1510 km² na zona del Gran Valle del Rift. La so superficie amenorgóse de 1672 km² que tenía en 1984.[1] Entiende tres seiciones: el Triángulu de Mara, Musiara (onde ta'l Banzáu de Musiara), y Sekenani.[2]

La mayor parte del territoriu ye sabana chiscada poles distintives acacies. La fauna tiende a concentrase na zona occidental del valle, una y bones l'accesu a l'agua ye más fácil. La llende oriental del parque ta a unos 224 km de Nairobi.

Fauna[editar | editar la fonte]

Lleones en Masái Mara, Kenia.
Vista aérea del ríu Mara que crucia'l parque nacional.

El Masái Mara ye famosu pola so población de lleones y por ser el llar d'especies amenaciaes tales como'l rinoceronte negru, l'hipopótamu que s'atopa nos ríos Mara y Talek, y el guepardu, amenorgándose notablemente'l númberu d'exemplares d'esti postreru. Otru carnívoru que puede atopase en gran númberu ye la hiena enllordiada.

Tolos "Cinco Grandes" (lleón, lleopardu, elefante africanu, búfalu africanu, y rinoceronte negru) habiten en Maasai Mara. La población de rinocerontes negros que fuera relativamente alzada hasta 1960, amenorgó de sópitu na década de 1970 y empiezos de la década de 1980 por causa de les actividaes de cazadores furtivos, aportando a de menos de 15 individuos. Escontra 1999 la población recuperárase de forma lenta hasta un númberu envaloráu de 23 individuos.[3]

Sicasí, el verdaderu poblador d'esti parque ye'l ñu, como asocede nel Serengueti, yá que'l so númberu ye envaloráu en millones. Tolos años, nel mes de xunetu, estos animales, igual que les cebres, migren dende les planicies del Serengueti a la gueta de camperes más fresques y tornen n'ochobre. Especies d'ungulaos viven nesti parque como la gacela de Thomson y la gacela de Grant o l'impala, y atópense igualmente menaes de xirafes.

El Masái Mara ye tamién el llar de más de 450 especies d'aves.

Ta alministráu pol gobiernu de Kenia, quien alministra los recursos derivaos del cobru a turistes por ingresar a la reserva. El Masai Mara cunta igualmente con unidaes escontra la caza furtiva, asitiaes fora de les zones frecuentaes polos turistes.

Los principales habitantes d'esta contorna son los miembros de la comunidá masái, un pueblu ancestral que caltuvo los sos vezos, costumes y tradiciones en plena sabana africana.

Referencies[editar | editar la fonte]

  1. African Mecca. «Masai Mara National Reserve - Kenia Safaris» (inglés). African Mecca. Consultáu'l 8 de marzu de 2010.
  2. The Mara Online. «MaasaiMara» (inglés). The Mara Online. Archiváu dende l'orixinal, el 24 d'abril de 2010. Consultáu'l 8 de marzu de 2010.
  3. Walpole, M; Karanja, GG; Sitati, NW; Leader-Williams (mayu de 2003). "Wildlife and People: Conflict and Conservation in Masai Mara, Kenia". Wildlife and Development Series (London: International Institute for Environment and Development) 14. ISBN 1-84369-416-6

Enllaces esternos[editar | editar la fonte]