Marañuela

De Wikipedia
Saltar a navegación Saltar a la gueta
Marañuela
Marañueles a piques d'enfornar
Marañuela avilesina

La Marañuela ye un dulce típicu asturianu compuestu principalmente de fariña, azucre, güevu y mantega. Trátase d'un dulce carauterísticu de Candás y Lluanco. Suel ellaborase'l domingu de Pascua y úfrese ente familiares. Ye popular el Festival de la Marañuela.

Carauterístiques[editar | editar la fonte]

La marañuela ellabórase en forma d'espiral, la denomada «galleta de marañuela», o en forma entrellazada, el «bollu de marañuela». Delles con forma d'estrella de cuatro picos, denomáu por esta razón, en ciertes ocasiones como: "bollu de cuernos". Suelse sirvise como almuerzu y ye vezu que los más mozos entamen sirviéndose los cuatro picos, xeneralmente los más tostaos y cruxentes. Suel preparase'l domingu de Pascua, y nesta ocasión los padrinos correspuenden col afiyáu ufriéndo-y la palma que-y entregaren el día de Ramos.

Variedaes[editar | editar la fonte]

Esiste una variedá de marañuela conocida como Marañuela d'Avilés, que ye una especie de pan dulce. Dambos dulces denómense del mesmu mou pero son distintos dafechu.