María Esther Díaz

María Esther Díaz
alcaldesa
Vida
Nacimientu	Llangréu, 9 de mayu de 1965 (59 años)
Nacionalidá	España
Estudios
Llingües falaes	castellanu
Oficiu	abogada
Creencies
Partíu políticu	Partíu Socialista Obreru Español

Maria Esther Díaz García (9 de mayu de 1965, Llangréu) ye abogada, llicenciada en Derechu pola Universidá d'Uviéu, y Diplomada Cimera en Téunica Fiscal pol IUDE (Institutu Universitariu d'Empreses) d'Uviéu. Exerció como abogada ente los años1990 a xunu de 2003 momentu en que foi escoyida la primer muyer Alcaldesa de Llangréu en presentándose a les eleiciones municipales pol Partíu Socialista Obreru Español, cargu que desempeño hasta mayu de 2012 en que foi nomada conseyera de Bienestar Social y Vivienda del Gobiernu del Principáu d'Asturies, cesando nesta responsabilidá en payares de 2014 por dimisión de la mesma.

A lo llargo del periodu en que representó al Conceyu de Langeo como Alcaldesa foi escoyida Presidenta de la Mancomunidá de Conceyos del Valle del Nalón, cargu qu'ostentó dende 2004 a 2006.

Carrera

Esther Díaz llegó a l'alcaldía de Llangréu, en siendo conceyal del Grupu Socialista dende 1995 faise Alcaldesa en 2003, arrampuñando asina l'alcaldía a Izquierda Xunida. En 2007 revalidó l'alcaldía aumentáu en dos conceyales (10 en total sobre 21). Repitió como candidata nes de 2011, calteniéndose nel cargu hasta mayu de 2012, en que'l nuevu presidente del Principáu, Javier Fernández, surdíu de la repetición de les Eleiciones Autonómiques d'Asturies, noma a Díaz conseyera de Bienestar Social y Vivienda. El 29 de mayu de 2012, tres la celebración d'un plenu estraordinariu del Conceyu, entraga el cayáu de mandu de l'alcaldía a María Fernández Álvarez una y bones el puestu d'alcaldesa nun puede compatibilizase col de conseyera de comunidá autónoma.

En payares de 2014 Díaz dimitió del so cargu nel Gobiernu del Principáu, y cesó en toles sos responsabilidaes polítiques.

Cargos desempeñaos

• Conceyal del Conceyu de Llangréu (1995-2012).
• Voceru del Grupu Socialista nel Conceyu de Llangréu (1995 - 2003).
• Alcaldesa de Llangréu (2003 - 2012).
• Conseyera de Bienestar Social y Vivienda del Principáu d'Asturies (2012 - 2014)
• Miembru de la Executiva de la Federación Asturiana de Conceyos (2003 - 2012)
• Representante nel Conseyu Territorial de la Federación Española de Conceyos (2004 - 2007)
• Presidenta de la Comisión de Función Pública de la FEMP (2004 - 2012)
• Miembru de la executiva de ACOM ( Asociación de Contornes Mineres) (2007 - 2012)
• Presidenta de la Comisión de Formación Continua de l'Alministración Local, CFCAL y siguiente CFDAL (2004 - 2012)
• Presidenta de la Fundación Sanatoriu Adaro
• Presidenta del Muséu de la Siderurxa d'Asturies dende la so fundación hasta 2012.
• Presidenta de ENERNALON (2003 - 2012)
• Miembru del Comité de la Federación Socialista Asturiana ( 2002 - 2014)
• Miembru del Comité Federal del PSOE (2004 - 2014)

• Datos: Q6003759