Manuel Abad y Queipo

De Wikipedia
Saltar a navegación Saltar a la gueta
Artículu revisáu
Manuel Abad y Queipo
bishop-elect Traducir


Diócesis: Arquidiócesis de Morelia Traducir
Obispo de Tortosa Traducir

Vida
Nome completu Manuel Abad y Queipo
Nacimientu Villarpedre y Grandas de Salime1751
Nacionalidá Bandera d'España España
Fallecimientu

Toledo1825

(73/74 años)
Estudios
Estudios Universidá de Guadalajar
Universidá de Salamanca
Oficiu
Oficiu sacerdote católicu
Creencies
Relixón Ilesia Católica
Cambiar los datos en Wikidata

Manuel Abad y Queipo (Villarpedre, Grandas de Salime, Asturies 26 d'agostu de 1751 - conventu de Sisla (Toledo), 1824), foi un relixosu asturianu qu'exerció'l cargu d'obispu de Michoacán en Méxicu, coles mesmes aportó a ministru n'España.

Biografía[editar | editar la fonte]

Dempués d'estudiar en Cataluña pa sacerdote foi destináu a América. Ellí foi escoyíu obispu de Valladolid, nel estáu mexicanu de Michoacán. Propunxo delles reformes na alministración pa evitar la insurrección de los nativos, amosó ante Fernandu VII (1814) el so desalcuerdu cola actuación del virréi Calleja,[1] lo que-y valió ser acusáu de traición pol Santu Oficiu, pos defendió énte la Rexencia una llexislación agraria que dexara el repartu a los indios de tierres realengues y el so accesu al cultivu de los latifundios.

En 1816 foi nomáu Ministru de Gracia y Xusticia por Fernandu VII, anque namái ocupó'l so cargu mientres tres díes, yá que foi destituyíu.

En produciéndose'l llevantamientu y criticar l'actuación española tuvo qu'encarar delles acusaciones énte la Inquisición n'España, a pesar de la so postura contraria a la sublevación y d'haber escomulgáu al insurxente Miguel Hidalgo. Finalmente, foi absueltu de l'acusación de traición a la corona, pero la «Sagrada Congregación del Índice» prohibió la so obra titulada «Breve exposición sobre el Real Patronato y sobre los derechos de los obispos electos de America, que en virtud de los reales despachos de presentación y gobierno administran sus iglesias antes de la confirmación pontificia.»

En 1820 foi escoyíu obispu de Tortosa, anque ocupó'l cargu de manera informal mientres el Trieniu Lliberal, yá que nun recibió la confirmación papal. En 1823, escorríu, de nuevu, polos absolutistes, foi recluyíu nel monasteriu toledanu de Sisla, onde pasó los sos dos últimos años de vida y onde finó enantes de cumplir la conderga de 6 años que-y fuera impuesta.

Edictos y cartes publicaes[editar | editar la fonte]

    • Edicto instructivo sobre la revolución del cura de los Dolores y sus secuaces, en 1810.
    • Carta pastoral sobre la insurrección de los pueblos del Obispado de Michoacán, en 1811.
    • Carta pastoral sobre el riesgo que amenaza la insurrección de Michoacán a la libertad y a la religión, en 1813.

Referencies[editar | editar la fonte]

  1. Zárate, 1880; 520-521:

Bibliografía[editar | editar la fonte]