Métodu científicu

De Wikipedia
Saltar a: navegación, buscar
Uiquipedia:Wikipedia:Llista d'artículos que toa Wikipedia tien que tener/Archivu
Modelu simplificáu, (testu en castellán) pal métodu científicu que se sigue nel MC-14 o métodu científicu en 14 etapes.

El métodu científicu constituye l'estudiu sistemáticu, controláu, empíricu y críticu de proposiciones hipotétiques sobro presuntes rellaciones ente varios fenómenos naturales y ye'l mecanismu utilizáu nes ciencies esperimentales pa convalidar o invalidar una teoría, per aciu de la esperimentación o de la observación.

Los dos los pilares básicos del métodu científicu[editar | editar la fonte]

El primeru d'ellos ye la reproducibilidá, ye dicir, la capacidá de repitir un determináu esperimentu en cualesquier llugar y por cualesquier persona. Esti pilar emplega pa la so práutica, esencialmente, la comunicación y la publicidá de los resultaos obteníos.

El segundu pilar ye la refutabilidá, esto ye, que toa proposición científica tien que ser susceptible de ser falsiada o refutada (falsacionismu). Esto implica que podríen diseñase esperimentos, que nel casu de dar resultancies distintes a los predichos, negaríen la hipótesis puesta a prueba. La falsabilidá nun ye otra cosa qu'el modus tollendo tollens del métodu hipotéticu-deductivu esperimental.


Na actualidá los resultaos de la investigación científica son publicaos en revistes científiques especializaes tres crítiques o comentarios d'otros espertos, correiciones por parte de los autores y arriendes verificación de los esperimentos por otros equipos d'investigación. Al mesmu tiempu, ta comenzando a ser usual que s'espublicen na rede (internet) al tiempu qu'en les revistes científiques o esclusivamente.