Luís Villares

De Wikipedia
Saltar a navegación Saltar a la gueta
Luís VillaresPicto infobox character.png
Luis Villares 2016 (cropped).jpg
Escudo de Galicia.svg
Diputáu nel Parllamentu de Galicia

21 ochobre 2016 -
Distritu: Lugo (es) Traducir
Eleiciones: Eleiciones al Parllamentu de Galicia de 2016
Vida
Nacimientu

Lugo8  d'agostu de 1978

(41 años)
Nacionalidá Flag of Spain.svg España
Estudios
Estudios Universidá de Santiago de Compostela
Llingües castellanu
gallegu
Oficiu
Oficiu xuezpolíticu
Creencies
Partíu políticu En Marea
Cambiar los datos en Wikidata

Luis Villares Naveira (8  d'agostu de 1978Lugo) ye un xuez y políticu gallegu d'En Marea y voceru del so grupu parllamentariu na X Llexislatura del Parllamentu de Galicia. En febreru de 2020, anunció'l so abandonu de la política enantes de les eleiciones al Parllamentu de Galicia de 2020.[1]

Trayeutoria profesional[editar | editar la fonte]

Llicenciáu en Drechu pola Universidá de Santiago de Compostela s'especializó na estaya de Drechu del Consumu.

Xuez de carrera dende 2005, exerció na Fonsagrada (2007-2010) y dempués como maxistráu del contenciosu alministrativu de l'Audiencia Nacional (2010-2011), titular nel Tribunal Superior de Xusticia del País Vascu (2011-2012), nel Xulgáu Contenciosu-Alministrativu de Lugo y na Sala del Contenciosu Alministrativu del Tribunal Superior de Xusticia de Galicia. Foi coordinador en Galicia de l'asociación progresista Xueces pa la Democracia y ye miembru fundador de la Hermandá Xurídica Gallega.

Trayeutoria política[editar | editar la fonte]

El so nome foi ún de los nomes que sonaron pa lliderar el proyeutu políticu d'En Marea pa les eleiciones gallegues de 2016[2]. El 6 d'agostu del 2016 presentó la so candidatura a les primaries d'esti partíu,[3] y finalmente Foi escoyíu candidatu a la presidencia de la Xunta de Galicia.[4]

Dempués de los comicios -nos que Villares encabezó les llistes pola Provincia de Lugo- En Marea foi la segunda llista más votada y consiguió un total de 14 diputaos.[5] Sicasí, l'espaciu políticu d'En Marea quebró por mor de les disputes internes. A finales de 2018, una crisis rellacionada cola eleición d'un nuevu lideralgu del partíu aportó nuna división ente los miembros partidarios de Villares y los miembros de los partíos fundadores d'En Marea, Podemos, Anova y Esquerda Unida (EU). Villares foi escoyíu como nuevu llíder d'En Marea'l 24 d'avientu de 2018 baxo acusaciones d'irregularidaes[6][7] lo cual provocó que Podemos, Anova y Esquerda Unida abandonaren la coalición considerándolo como un proyeutu políticu "falláu".[8][9][10] Los parllamentarios de Podemos, Anova y Esquerda Unida formaron el Grupu Común da Esquerda nel Parllamentu de Galicia en septiembre de 2019.[11][12] Podemos y Esquerda Unida participaron tanto nes eleiciones d'abril como nes de payares de 2019 so la marca En Común–Unidas Podemos,[13][14] formando'l subgrupu Galicia en Común dientro de Xuníes Podemos nel Congresu de los Diputaos.[15]

En febreru de 2020, enantes de les Eleiciones al Parllamentu de Galicia de 2020, anunció que nun se presentaría a los comicios y que a final de mes abandonaría la política.[16]

Obres[editar | editar la fonte]

  • Estatuto xurídico da lingua galega, 2005.
  • A inconstitucionalidade da segregación do estudantado por razón de lingua, 2009.
  • Estudo crítico do sistema de responsabilidade civil por danos causados por hidrocarburos: ensinanzas do Prestige, 2009.
  • Estudos xurídicos sobre o Decreto para o plurilingüismo, 2010 (coordinador).

Referencies[editar | editar la fonte]

Enllaces esternos[editar | editar la fonte]