Llimiagu

De Uiquipedia
Saltar a: navegación, buscar
Commons-emblem-notice.svg
Llimiagu
Unknown slug on rhubarb.jpg
Llimiagu sobre una fueya
Clasificación científica
Reinu: Animalia
Filu: Mollusca
Clas: Gastropoda
Subclas: Orthogastropoda
Superorde: Heterobranchia
Orde: Pulmonata
Suborde: Eupulmonata
Infraorde: Stylommatophora
Anatomía d'un llimiagu


Los llimiagos (tamién conocido como chimiaco en Gallego-asturianu) son moluscos gasterópodos ensin caparazones o con caparazones pequenos internos, estremándose de los cascoxus, que tienen concha.

Hábitat[editar | editar la fonte]

Son quien a vivir en munches clas d'hábitats, y esisten especies terrestres y marines. La infraorden Nudibranchia pertenez a los llimiagos marinos, demientres que la infraorden Stylommatophora pertenez a los llimiagos terrestres.

Los antepasaos de los llimiagos vivíen na mar. Evolucionaron y tresformáronse a lo llargu'l tiempu fasta llegar a ser 103.000 especies estremaes. La evolución más importante ente los llimiagos que fixéronse terrestres, foi la tresformación de les branquies en pulmones.

Families[editar | editar la fonte]

  • Arionidae
  • Limacidae
  • Milacidae
  • Boettgerillidae

Descripción[editar | editar la fonte]

Los llimiagos miden ente 1 y 15 cm según la especie. Los sos cuerpos son llargos y divídense asina:

  • Cresta médiodorsale
  • Mantu o escudu
  • Antenes
  • Glándula mucosa caudal
  • Placa de reptación

La tiesta tien cuatro antenes y la boca; les antenes d'arriba lleven nos sos estremos los güeyos y son amás muérganos tactiles y olfativos. La boca inclúi dos mandíbules con pequenos dientes y la llingüa dentada o rádula.

L'escudu o mantu tres de la tiesta tapa dalgunos granos o una llaminina calcárea. Vese, sobro la drecha del escudu, el neumostoma, furacu respiratoriu del animal. Tres del escudu ta la parte caudal.

El pie ye la parte ventral y musculosa del animal Apégase al suelu gracies a la placa de reptación.

El mocu o secreción lliquido recubre'l cuerpu del animal, fai d'humectante y permite-y al llimiagu desplazase.

Bioloxía[editar | editar la fonte]

El llimiagu ye un animal nocherniegu. La so autividá depende de la época l'añu, según la temperatura y la humedá.

El ciclu la vida de los llimiagos, la velocidá de la so reprodución y el so espoxigue, tán condicionaos poles condiciones climátiques, la lluz y la comida disponible, fautores que determinen tamién la densidá de la población. Los hiviernos seles favorecen la supervivencia de los güevos y de los llimiagos mozos y el so desendolcu. Por embargu, un hibiernu persecu y perfríu pué llimitar la reprodución de so.

Autividá[editar | editar la fonte]

L'autividá de los llimiagos camuda dependiendo de la especie, y amás ye pervariable ente individuos de la mesma especie o nun mesmu individuu según les condiciones meteorolóxiques.

Los llimiagos salen en xeneral pela nueche, fasta un determináu llímite máximu de temperatura y non más alló d'un determináu mínimu.

Los llimiagos de güerta nun se mueven cuando la temperatura ta perbaxo los 5°C. L'intervalu de temperatures pa l'autividá de los llimiagos grises asítiase nun máximu de 18°C y son inautivos perbaxo los 0°C. Los llimiagos muerrense perbaxo los -3°C pero polo xeneral ocúltense no fondero'l suelu cuando la xelada llega.

Ensin humedá, el llimiagu nun pue facer mocu, y poro, nun se pue desplazar. N'époques seques refúxase nel suelu pa esperar que tornen les lluvies.

Desplazamientu[editar | editar la fonte]

Los llimiagos muévense pocu. Puen percorrer en condiciones óptimes ente 4 y 7 m diariamente, el llimiagu gris; ó 2 y 3 m el llimiagu prietu.

Ensin el mocu nun se puen desplazar los llimiagos. Cuando se desplacen, una glándula asitiada na estremidá delantera del pie, produz mocu, que ye aplastáu embaxo la placa de reptación y permíte-y desllizase. Cuando s'asítien nun área ú la vexetación ye abonda, los llimiagos nun se dispersen de más de 50 cm al día. Alcuentren la so comida gracies a los sos muérganos olfativos y a les sos papiles gustatives.

Allimentación[editar | editar la fonte]

L'allimentación de los llimiagos ye bayurosa. Alliméntense d'avezu y no posible con texíos vexetales pero puen consumir tamién residuos animales. El gran llimiagu o'l pequenu llimiagu buxu quier más les plantes que la superficie'l suelu. D'avezu son atrayíos por plantes en descomposición. En períodu de seca, los pequenos llimiagos viven dientro'l suelu y mordigañen les partes subterránees de les plantes.

Un llimiagu ye quien a comer fasta la metá'l so pesu nuna nueche. El llimiagu buxu absorbe ente 30 y 50 mg al día, pero'l gran llimiagu pue tragar ente 5 y 10 g al día. Dellos llimiagos alliméntense d'una vegada, pero otros abastécense en socesives ocasiones durante la mesma nueche.

Reproducción[editar | editar la fonte]

Los llimiagos sonhermafrodites, ye dicir, son machos y femes, pero non a un tiempu. Los muérganos masculinos autívense emprimeres, dempués, tres una vueltalos muérganos femeninos. El desencadenamientu d'estes dos fases de l'autividá sesual ta controláu por un sistema hormonal.

Pon los güevos ente dalgunos díes y delles selmanes depués del acoplamientu, según la especie. Un llimiagu ye quien a poner ente 100 y 500 güevos, en paquetes de 10 a 50, deposítalos nun furacu escaváu na tierra o embaxo d'un abellugu. Los güevos son reondos, de collor mariellu o inda tresparentes.

La duración de la incubación de los güevos tien rellación direuta coles condiciones climátiques, sobremanera la temperatura. A 5°C la incubación durará fasta tres meses, demientres qu'a 20°C dos a tres selmanes son abondo. La humedá del suelu ha s'asitiar ente 40% y 80%. En saliendo de los güevos, los llimiagos miden dalgunos milímetros y son tresparentes. viven de nueve a dieciocho meses según la especie y la rexón. Son quien a orixinar una nueva xeneración al añu, cada dos años o dos al añu.

Semeyes[editar | editar la fonte]

llimiagos
Wikimedia Commons tien archivos rellacionaos con: