Llei de Whorf
La Llei de Whorf ye una llei fonética aplicable nos idiomes yuto-nahuas propuesta pol llingüista Benjamin Lee Whorf. Con ella esplica l'orixe nes llingües nahuas del fonema / tɬ / que nun s'atopa en nengún otru idioma de les llingües de la familia uto-azteca. La esistencia de / tɬ / en náhuatl asoraren a los llingüistes anteriores y provocó l'interés en Edward Sapir, maestru de Whorf, quien quixo reconstruyir les secuencies del fonema / tɬ / na llingua proto-uto-azteca basándose namái nel estudiu del náhuatl. Nun documentu de 1937[1] publicáu na revista American Anthropologist, Whorf argumentó que'l fonema foi la resultancia d'un cambéu fonéticu en delles llingües nahuas que sufrieron un cambéu d'un orixinal */t/ a [tɬ] na posición ante la vocal */a/. Esta llei fonética aportó a conocida como "llei de Whorf" ya inda se considera válida, a pesar de que se desenvolvió una comprensión más detallada de les condiciones exactes nes que surdió.
La situación fuera escurecida pol fechu de que de cutiu, la vocal */a/, darréu, habíase perdíu o camudáu a otra vocal, polo que yera difícil dase cuenta de lo que condicionara'l cambéu. Por cuenta de que delles llingües nahuas nos nuesos díes tienen /t/ y otros tienen /tɬ/, Whorf pensó que la llei llindárase a ciertos dialeutos y que los dialeutos que teníen / t/ yeren más conservadores. En 1978, Lyle Campbell y Ronald Langacker amosaron que de fechu la llei de Whorf afectara a toles llingües nahuas y que dellos dialeutos camudaren darréu /tɬ/ a /l/ o de vuelta a /t/, pero sigue rescamplando que la llingua pasó por una etapa /tɬ/.[2][3]
En 1996, Alexis Manaster Ramer amosó que'l cambéu de soníu, ello ye qu'asocediera antes nel proto-uto-azteca onde una vocal central alta, la */ɨ / tamién entrara en xuegu, non yá la */a/.[4][5] Na actualidá, l'idioma yuto-nahua más conocíu ye'l náhuatl.
Referencies[editar | editar la fonte]
Bibliografía[editar | editar la fonte]
- Campbell, Lyle (1978). «Proto-Aztecan vowels: Part I». International Journal of American Linguistics (Chicago: University of Chicago Press) 44 (2): páxs. 85–102. doi:. OCLC 1753556.
- Canger, Una (1988). «Nahuatl dialeutology: A survey and some suggestions». International Journal of American Linguistics (Chicago: University of Chicago Press) 54 (1): páxs. 28–72. doi:. OCLC 1753556.
- Launey, Michel (1996). «Retour au -tl aztèque». Amerindia 21: páxs. 77–91.
- Manaster Ramer, Alexis (1996). «On Whorf's Law and Related Questions of Aztecan Phonology and Etymology». International Journal of American Linguistics 62 (2): páxs. 176–187. doi:.
- Whorf, Benjamin Lee (1937). «The origin of Aztec tl». American Anthropologist 39 (2): páxs. 265–274. doi:.
