Leónides I

Leónides I
rei d'Esparta	; 491 edC - 480 edC ; ← Cleómenes I (es) - Plistarco (es) →
rei d'Esparta
Vida
Nacimientu	Esparta, fecha desconocida
Nacionalidá	Esparta
Muerte	Termópiles,
Sepultura	Esparta; Tomb of Leonidas in Sparta (en)
Causa de la muerte	muertu en combate
Familia
Padre	Anaxándridas II
Casáu con	Gorgo (es)
Fíos/es	Plistarco (es)
Hermanos/es	Cleómenes I (es) ; Cleómbroto (regente) (es) ; Dorieo de Esparta (es)
Pueblu	Agíadas (es)
Estudios
Llingües falaes	griegu antiguu
Oficiu	gobernante
Llugares de trabayu	Esparta
Serviciu militar
Lluchó en	Batalla de les Termópiles
Creencies
Relixón	relixón na Antigua Grecia

Leónides I (Griegu: Λεωνίδας) foi'l 17ᵘ rey axíada d'Esparta. Alcontró la muerte en 480 e.C.., demientres la Segunda Guerra Médica, na heroica Batalla de les Termópiles, torgando l'avanzada del exércitu Persa de Xerxes I.

Foi ún de los fíos del rei axíada Anaxandridas II d'Esparta. Sucedió nel tronu, dablemente en 489 o 488 e.C.. al so hermanascu Cleómenes I y casóse con Gorgos, la fía d'esti. Al tener dos hermanos mayores, Cleómenes y Doriéu, nun s'esperaba qu'aportare a reinar, pero Cleómenes morrió ensin descendencia masculina, lo mesmo que Doriéu en Sicilia, lluchando escontra los Cartagineses.

Nel añu 480 e.C.. los éforos d'Esparta unviaron a Leónides al frente de 300 hoplites y 5.000 alliados pa trancar el pasu del exércitu Persa de Xerxes I nel pasu de les Termópiles

Los 300 hoplites ensamaben la Seitera Rial, 100 homes por cada una de les tres tribus nes que taben separtaos los espartanos. Esti cuerpu taba ensamáu por ciudadanos d'Esparta que tuvieran dalgún vástagu masculín, cola fin de que, en casu de morrer nel embate, nun desapaeciese la llinia de familia.

Leónides lluchó cinco díes escontra los perses, ensin ceder un rispiu del tarrén. El darreru día, pola mor de la traición d'Efialtes de Tesalia, foi abatíu con una flecha na encerrona persa.

Magar que la llucha escontra los perses foi descomanada ya desproporcionada, Heródotu cunta que la tiesta de Leónides foi tayada por orden de Xerxes, y el so cuerpu crucificáu, a la escontra de la costume de la dómina, na que cuando un xefe del exércitu lluchaba con rixu y morría na amarraza, yera enterráu con honores de rei.

Referencies[editar | editar la fonte]

↑ Afirmao en: Descripción de Grecia. Sección, versículu o párrafu: 3.14.1. Llingua de la obra o nome: griegu antiguu. Autor: Pausanias.
↑ ^2,0 ^2,1 ^2,2 «Q45198301» (en rusu). Real'nyj slovar' klassicheskih drevnostej po Ljubkeru.

Enllaces esternos[editar | editar la fonte]

[50d32b70ce9675aa9177c4edbda7d8f462764baf-1] Afirmao en: Descripción de Grecia. Sección, versículu o párrafu: 3.14.1. Llingua de la obra o nome: griegu antiguu. Autor: Pausanias.

[6aee5a38124e7c90435ea5f8b1eb01cdd840334c-2] 2,0 ^2,1 ^2,2 «Q45198301» (en rusu). Real'nyj slovar' klassicheskih drevnostej po Ljubkeru.

[1]

[2]