Las Agüeras (parroquia)
 Las Agüeras | |
|---|---|
 | |
| Alministración | |
| País |  España |
| Autonomía |  Principáu d'Asturies |
| Provincia | provincia d'Asturies |
| Conceyu | Quirós |
| Partíu xudicial | Ḷḷena |
| Tipu d'entidá | parroquia d'Asturies |
| Nome oficial | Las Agüeras (ast)[1] |
| Xeografía | |
| Coordenaes | 43°11′47″N 6°00′03″W / 43.19638°N 6.0007°O |
  Las Agüeras Las Agüeras (Asturies) | |
| Superficie | 10.14 km² |
| Altitú | 371 m[2] |
| Llenda con | Bermiego, Casares, Caranga y Samartín |
| Demografía | |
| Población | 135 hab. (2024) |
| Porcentaxe | 11.82% de Quirós |
| Densidá | 13,31 hab/km² |
| Viviendes | 175 (2001) |
| Más información | |
| Estaya horaria | UTC+01:00 |
 | |
Las Agüeras[3] ye una parroquia asitiada nel conceyu asturianu de Quirós, allúgase averáu al banzáu de Valdemuriu, y del Ríu Quirós nos llímites del conceyu, n'Entrepenas o Foces de Valdemuriu. Tien una estensión de 10,14 km²[4], y una población de 135 habitantes (2024)[5]. El llugar homónimu, cabeza de la parroquia, sítiase a 34,5 km de la capital d'Asturies, Uviéu, y a 5,6 km de Bárzana capital del conceyu.
La carretera, pola que s'accede al pueblu, y que crucia Quirós, ye l'AS-229, carretera que xunta Las Agüeras con Bárzana, fecha na dómina de 1860, gracies al inxenieru belxicanu Gabriel Heim.
Esti pueblu asítiase nun altor de 300 metros, la ilesia ta dedicada a San Vicente. Las Agüeras ye la capital de la parroquia a la que-y da nome.
Turismu
[editar | editar la fonte]El pueblu caltién diverses formes de turismu, toes elles dientro lo que nomaremos turismu activu.
Área recreativa de Las Agüeras: Alcuéntrase averada a la carretera AS-229, nel desvíu al pueblu de la parroquia Las Agüeras Viḷḷaoriḷḷe,nel entamu del banzáu de Valdemuriu, xunto a la ilesia de Las Agüeras, a 5 km de Bárzana. Dispón d'asador, meses, zona xuegos pa neños, fonte y amás a modu didácticu caltién un corripu y un horru donáu por un vecín del conceyu.
Sienda del osu: Esta sienda pasa averada al pueblu, xunto al banzáu y al Ríu Quirós, y ye ún de los elementos más conocíos nel turismu na zona, atrayendo a munchos cicloturistes, veníos de toles fasteres de la península.
Banzáu de Valdemuriu: Volume (Hm3): 1,55. Anque l'oxetivu na construcción del banzáu foi l'aprovechamientu na creación d'electricidá, agora mesmu puede praucticase actividaes como l'alquiler de canoes, la pesca, siempres que se faiga llonxe la presa y les tomes, asina ye que pa sofitar esta cabera actividá esiste una Escuela de Pesca Deportiva.
Economía
[editar | editar la fonte]La economía del pueblu históricamente sofitóse nel sector primariu, na agricultura y na ganadería de les races autóctones, y na tresformación d'estos productos, yá seya pa facer chorizos, morcielles y demás subproductos animales, como na tresformación de los diversos cereales cultivaos na fastera, talos como maíz o escanda, tresformaos dempués en borona o pan d'escanda, yá qu'había nel pueblu un molín de piedra, pa facer la fariña del cereal. Anguaño les actividaes diversificáronse, calteniendo, además de la ganadería, el sector del turismu y el sector industrial, cola empresa hidráulica allugada nel pueblu, y perteneciente a Hidroeléctrica del Cantábrico S.A.
En cuanto la presa del banzáu, tamién ye propiedá d'Hidroeléctrica del Cantábrico S.A, ye de tipu gravedá-formigón, y ta asitiada a 29,13 m d'altor enriba'l cauce. El banzáu allúgase llendando pel norte la Reserva Rexonal de Caza de Somiedo.
Orixe del topónimu
[editar | editar la fonte]La llingua asturiana emplega como apelativos ‘agüeru’, que puede tar formáu tantu sobre'l nome en llatin ‘AQUARIUM’,(fonte), ‘llugar d'agua’ como sobre axetivu nominalizado AQUARIUS,
Cómo llegar
[editar | editar la fonte]- En coche: Carretera AS-229, viniendo dende Uviéu, direición Puertu Ventana, hasta atopar el desvíu pa Bárzana dempués de Caranga Riba.
- Autobús: La empresa "Arrojo" ofrez dos salíes diaries dende la estación d'autobuses d'Uviéu, y que posa nel pueblu, pa siguir hasta Bárzana.
Llocalidaes
[editar | editar la fonte]| Nᵘ | Nome
|
Población | % población Las Agüeras (parroquia) |
|---|---|---|---|
| 1 | Aciera
|
37 | 27,4127,41%
|
| 2 | Las Agüeras
|
44 | 32,5932,59% |
| 3 | Cortina
|
7 | 5,195,19% |
| 4 | Ḷḷano
|
7 | 5,195,19% |
| 5 | Pirueño
|
6 | 4,444,44% |
| 6 | Tene
|
29 | 21,4821,48% |
| 7 | Viḷḷuriche
|
5 | 3,73,7% |
Sitios
[editar | editar la fonte]- Aciera
- Compeñana
- El Cabexo
- El Carrilón
- El Chanu
- El Fielato
- El Melén
- El Pedregusu
- El Pedrisco
- El Rincón
- Entelacapilla
- Entelavecera
- La Barraca
- La Torre
- La Vieḷḷa
- Soaciera
- Solhorrín
- Valdemurio
- Viḷḷaverde
- Las Agüeras
- Cenera
- El Cantu la Güerta
- El Coito
- L'Abadía
- La Campa la Ponte
- La Casa'l Molín
- Socortina
- Cortina
- La Casa Retoral
- Pirueño
- El Cabriteiru
- La Corrá
- La Corrá la Fonte
- La Fonte'l Ruiseñor
- La Fontuca
- Santolacha
- Tene
- El Cantu
- El Chanu la Cortina
- El Quintanal
- El Xuegu la Bola
- Entelavecera
- Fondesdeviḷḷa
- La Calecha
- La Fontina
- La Reguera
- Viḷḷuriche
- El Barreiru
- El Palacio
- La Casa Baxo
- La Casa Riba
- La Pedrera
- La Portieḷḷa
- Traslacorrá
Bibliografía
[editar | editar la fonte]Referencies
[editar | editar la fonte]- ↑ «Boletín Oficial del Principáu d'Asturies» (castellanu). Conseyu de Gobiernu del Principáu d'Asturies. Consultáu'l 4 payares 2025.
- ↑ Afirmao en: Q107986385. Editorial: Institutu Xeográficu Nacional d'España.
- ↑ «Espediente colos topónimos oficiales de Quirós». BOPA.
- ↑ Ajuste del mapa de parroquias. Mapa de entidades colectivas de población. Uviéu, SADEI, 2012. Actualizáu'l 1 de febreru de 2024.
- ↑ Nomenclátor del INE: Población del padrón continuo por unidad poblacional. (Institutu Nacional d'Estadística).
Enllaces esternos
[editar | editar la fonte]
Wikimedia Commons acueye conteníu multimedia sobre Las Agüeras.
.svg){kind=small} |
Parroquies de Quirós | |
|---|---|---|
| Las Agüeras | Arroxo | Bárzana | Bermiego | Casares | Chanuces | Cinfuegos | Ḷḷindes | Murieḷḷos | Nimbra | Pedroveya | Ricao | Salceo | ||
Datos: Q987644- Multimedia: Las Agüeras