Las Agüeras

Las Agüeras
Alministración
País	España
Autonomía	Principáu d'Asturies
Provincia	provincia d'Asturies
Conceyu	Quirós
Partíu xudicial	Ḷḷena
Tipu d'entidá	parroquia d'Asturies
Xeografía
Coordenaes	43°11′47″N 6°00′52″O
Las Agüeras Las Agüeras (Asturies)
Superficie	15.89 km²
Demografía
Población	126 hab. (2017)
Porcentaxe	10.88% de Quirós
Densidá	7,93 hab/km²
Viviendes	175 (2001)
Más información
Estaya horaria	UTC+01:00

Las Agüeras ye un llugar y una parroquia asitiada nel conceyu asturianu de Quirós, allúgase averáu al banzáu de Valdemuriu, y del Ríu Quirós nos llímites del conceyu, n'Entrepenas o Foces de Valdemuriu. Asítiase a 34,5 km de la capital d'Asturies, Uviéu, y a 5,6 km de Bárzana capital del conceyu.

La carretera, pola que s'accede al pueblu, y que crucia Quirós, ye la AS-229, carretera que xunta Las Agüeras con Bárzana, fecha na dómina de 1860, gracies al inxenieru belxicanu Gabriel Heim.

Esti pueblu asítiase nun altor de 300 metros, la ilesia ta dedicada a San Vicente. Las Agüeras ye la capital de la parroquia a la que-y da nome.

Turismu

El pueblu caltién diverses formes de turismu, toes elles dientro lo que nomaremos turismu activu.

Área recreativa de Las Agüeras: Alcuéntrase averada a la carretera AS-229, nel desvíu al pueblu de la parroquia Las Agüeras Viḷḷaoriḷḷe,nel entamu del banzáu de Valdemuriu, xunto a la ilesia de Las Agüeras, a 5 km de Bárzana. Dispón d'asador, meses, zona xuegos pa neños, fonte y amás a modu didácticu caltién un corripu y un horru donáu por un vecín del conceyu.

Sienda del osu: Esta sienda pasa averada al pueblu, xunto al banzáu y al Ríu Quirós, y ye ún de los elementos más conocíos nel turismu na zona, atrayendo a munchos cicloturistes, veníos de toles fasteres de la península.

Banzáu de Valdemuriu: Volume (Hm3): 1,55. Anque l'oxetivu na construcción del banzáu foi l'aprovechamientu na creación d'electricidá, agora mesmu puede praucticase actividaes como l'alquiler de canoes, la pesca, siempres que se faiga llonxe la presa y les tomes, asina ye que pa sofitar esta cabera actividá esiste una Escuela de Pesca Deportiva.

Economía

La economía del pueblu hestóricamente sofitóse nel sector primariu, na agricultura y na ganadería de les races autóctones, y na tresformación d'estos productos, yá seya pa facer chorizos, morcielles y demás subproductos animales, como na tresformación de los diversos cereales cultivaos na fastera, talos como maíz o escanda, tresformaos dempués en borona o pan d'escanda, yá qu'había nel pueblu un molín de piedra, pa facer la fariña del cereal. Anguaño les actividaes diversificáronse, calteniendo, además de la ganadería, el sector del turismu y el sector industrial, cola empresa hidráulica allugada nel pueblu, y perteneciente a Hidroeléctrica del Cantábrico S.A.

En cuanto la presa del banzáu, tamién ye propiedá d'Hidroeléctrica del Cantábrico S.A, ye de tipu gravedá-formigón, y ta asitiada a 29,13 m d'altor enriba'l cauce. El banzáu allúgase llendando pel norte la Reserva Rexonal de Caza de Somiedu.

Orixe del topónimu

La llingua asturiana emplega como apelativos ‘agüeru’, que puede tar formau tantu sobre'l nome en llatin ‘AQUARIUM’,(fonte), ‘llugar d'agua’ como sobre axetivu nominalizado AQUARIUS,

Cómo llegar

• En coche: Carretera AS-229, viniendo dende Uviéu, direición Puertu Ventana, hasta atopar el desvíu pa Bárzana dempués de Caranga Riba.
• Autobús: La empresa "Arrojo" ofrez dos salíes diaries dende la estación d'autobuses d'Uviéu, y que posa nel pueblu, pa siguir hasta Bárzana.

Llocalidaes

• Las Agüeras 55 habitantes 2010
• Aciera 37 habitantes 2010
• Cortina (Quirós) 5 habitantes 2010
• Ḷḷano 4 habitantes 2010
• Pirueño 7 habitantes 2010
• Tene 36 habitantes 2010
• Viḷḷuriche 18 habitantes 2010

Bibliografía

• http://mas.lne.es/toponimia/index.php?leer=526&pallabra=las%20ag%FCeras

Enllaces esternos

• páxina del conceyu de Quirós

• Datos: Q987644