Bermiego (parroquia)

Coordenaes: 43°12′05″N 5°58′47″W / 43.20143°N 5.97966°O / 43.20143; -5.97966
De Wikipedia
Bermiego
Alministración
País España
Autonomía Principáu d'Asturies
Provincia provincia d'Asturies
Conceyu Quirós
Partíu xudicial Ḷḷena
Tipu d'entidá parroquia d'Asturies
Códigu postal 33118
Xeografía
Coordenaes 43°12′05″N 5°58′47″W / 43.20143°N 5.97966°O / 43.20143; -5.97966
Bermiego alcuéntrase n'Asturies
Bermiego
Bermiego
Bermiego (Asturies)
Superficie 9.76 km²
Altitú 763 m[1]
Llenda con Las Agüeras, Casares, Arroxo, Salceo, Samartín y Pedroveya
Demografía
Población 77 hab. (2017)
Porcentaxe 661.11% de Quirós
0.77% de provincia d'Asturies
0.77% de Principáu d'Asturies
0.02% de España
Densidá 7,89 hab/km²
Viviendes 82 (2001)
Más información
Estaya horaria UTC+01:00
Cambiar los datos en Wikidata

Bermiego[2] ye una de les trece parroquies del conceyu asturianu de Quirós.

Situación y comunicaciones[editar | editar la fonte]

La parroquia de Bermiego asítiase na fastera septentrional del conceyu de Quirós. Llenda cola parroquia de Pedroveya al norte, colos conceyos de Morcín y Riosa al noreste, cola parroquia de Salceo al sureste, cola parroquia de Casares al sur, cola de Las Agüeras al oeste y col conceyu de Proaza al noroeste.

Alcuéntrase a una distancia media de Bárzana, la capital del conceyu, de 6'90 km.

Llégase a Bermiego pela carretera AS-229, tomando la carretera QU-6, que sube hasta'l llugar de Bermiego.

El códigu postal ye'l 33118.

Territoriu y población[editar | editar la fonte]

Panera nel llugar de Bermiego

Tien una superficie de 9,76 km²[3], muy pindia: 8,42 km² tan por enriba de los 800 metros d'altitú y 7,55 km² tienen un desnivel mayor del 20%.

Tien una población de 77 hab. (2017)[4] que se reparten ente'l llugar de Bermiego (72 hab.) y la casería de Carrexa (5 hab.)

Toponimia[editar | editar la fonte]

Xosé Lluis García Arias, na so obra "Toponimia Asturiana" (espublizada na rede pol diariu "La Nueva España"), nun ufierta denguna esplicación sobre l'orixe del nome de la parroquia.

Pola so parte, Josefina Álvarez Viejo, en Toponimia 19. Quirós (1), de l'Academia de la Llingua Asturiana, dedicao al estudiu de la toponimia mayor y menos de la parroquia de Bermiego, tampoco mos da mayor información al respeutu.

Sitios d'interés[editar | editar la fonte]

Caseríu de Bermiego[editar | editar la fonte]

El caseríu del llugar de Bermiego tien exemplos bien interesantes d'arquiteutura tradicional asturiana con cortes de piedra, un llavaderu, fuentes, molinos y cases con corredor.

Sicasí, el llugar destaca por contar con más de docenes d'horrios y paneres, con gran bayura de decoración xeométrica y simbólica.

Teixu de Bermiego[editar | editar la fonte]

Tamién nomáu "el teixu la Ilesia", por alcontrase a la puerta de la ilesia parroquial de Santa María.

Esti texu milenariu ta declaráu Monumentu Natural el 27 d'abril de 1995.

Rebollu de Bermiego[editar | editar la fonte]

El Reboḷḷo de Bermiego, alcuéntrase nel centru del llugar, averáu a la capiella San Antonio.

Esti rebollu foi declaráu Monumentu Natural el 27 d'abril de 1995.

Fiestes[editar | editar la fonte]

Referencies[editar | editar la fonte]

  1. Afirmao en: Modelo Digital del Terreno de España de 5 metros. Editorial: Institutu Xeográficu Nacional d'España.
  2. «Espediente colos topónimos oficiales de Quirós». BOPA.
  3. (2000) Diccionario Geográfico de Asturias (en castellanu). Uviéu: Editorial Prensa Asturiana, S.A.
  4. padrón municipal d'España de 2017

Enllaces esternos[editar | editar la fonte]