Kraz

De Wikipedia
Saltar a: navegación, buscar
Kraz
Kraz
Constelación Corvus
Ascensión reuta α 12h 34min 23,2s
Declinación δ -23º 23’ 48,3’’
Distancia 140 ± 5 años lluz
Magnitú visual +2,65
Magnitú absoluta -0,51
Lluminosidá 160 soles
Temperatura 5100 ± 80 K
Masa 3,3 - 3,7 soles
Radiu 16 soles
Tipu espectral G5II
Velocidá radial -7,6 km/s

Kraz ye'l nome de la estrella β Corvi (β Crv / 9 Corvi / HD 109379),[1] de magnitú aparente +2,65 y la segunda más brillosa de la constelación de Corvus, el cuervu, dempués de Gienah Gurab (γ Corvi). El so nome ye d'orixe desconocíu.

Kraz ye una estrella xigante lluminosa mariella de tipu espectral G5II que s'atopa a 140 años lluz del Sistema Solar y tien una temperatura superficial de 5100 ± 80 K.[2] Con una lluminosidá 160 vegaes mayor que la del Sol, el so radiu ye 16 vegaes más grande qu'el radiu solar.[3] Les sos carauterístiques son asemeyaes a les de μ Velorum A, anque ye más brillosa qu'ésta. Tocantes a el so compisición elemental, presenta una metalicidá daqué cimera a la del Sol ([Fe/H] = +0,10).[2] A partir de la so temperatura y lluminosidá puede evaluase la so masa, resultando ser ésta ente 3,3 y 3,7 vegaes mayor que la masa solar. Fai unos 300 millones d'años Kraz rellumó como una estrella blancu-azulada de tipu B7 y nun futuru va dar llugar a una nana blanca relativamente masiva.[3]

Anque nun tien nenguna acompañante conocida, Kraz ta catalogada como una estrella de bariu. De normal esti tipu d'estrelles son xigantes que fueron contaminaes por una compañeru más masiva, que-yos venció subproductos resultantes de la fusión nuclear cuando elles taben menos evolucionaes, siendo l'acompañante una nana blanca na actualidá. Un exemplu representativu d'esti tipu d'estrelles ye ζ Capricorni. Como Kraz ye una estrella solitaria, el bariu hai de tener un orixe distintu o bien la so clasificación como estrella de bariu ye incorrecta.[3]

Referencies[editar | editar la fonte]