Julián García-San Miguel
 | Esti artículu o seición necesita referencies qu'apaezan nuna publicación acreitada, como revistes especializaes, monografíes, prensa diaria o páxines d'Internet fiables. |
Julián García-San Miguel | |||||
|---|---|---|---|---|---|
.jpg) | |||||
| |||||
| Vida | |||||
| Nacimientu | Avilés, 8 de marzu de 1841 | ||||
| Nacionalidá |
 España | ||||
| Muerte | Olmedo, 4 d'ochobre de 1911[1] (70 años) | ||||
| Familia | |||||
| Hermanos/es | |||||
| Estudios | |||||
| Llingües falaes | castellanu | ||||
| Oficiu | políticu | ||||
| Llugares de trabayu | Madrid | ||||
| Miembru de |
Real Academia de Ciencies Morales y Polítiques[2] Real Academia de la Historia | ||||
| Creencies | |||||
| Partíu políticu | Partíu Lliberal | ||||
 | |||||
.svg){kind=small}
Julián García San Miguel y Zaldua (8 de marzu de 1841, Avilés – 4 d'ochobre de 1911, Olmedo) foi un políticu y escritor español, ministru de Gracia y Xusticia mientres la rexencia de María Cristina d'Habsburgu.
Biografía[editar | editar la fonte]
Estudió Derechu na Universidá d'Uviéu, doctorándose en Madrid en 1865, con una tesis avera del derechu históricu d'España, sobre cuestiones de matrimoniu. Darréu, foi abogáu n'Uviéu, exerciendo la docencia na Universidá d'Uviéu. Tamién foi miembru de la Comisión de Monumentos y miembru correspondiente de la Real Academia de la Historia. Foi asiduo collaborador de la prensa asturiana, cuantimás de El Faru Asturianu, onde escribía artículos eruditos y razonaos arriendes del discutiniu amenáu sobre l'autenticidá del Fueru d'Avilés, na que tomaron parte importantes historiadores, filólogos y paleógrafos españoles de la dómina.
Dada la so ideoloxía lliberal-monárquica, sofitó la revolución de 1868, enfrentándose darréu a los partidarios de la candidatura al tronu d'Antonio d'Orleans, a quien venció nes eleiciones de 1869 na circunscripción d'Avilés. Foi partidariu d'Amadéu de Saboya, quien lu nomó gentilhombre de cámara, concediendo'l títulu de marqués de Teberga al so padre. Al derrumbar la monarquía amadeísta y dempués la República, San Miguel reconoció la Restauración borbónica.
Yá nel réxime de la Restauración, volvería ser escoyíu diputáu a Cortes per Avilés, nos comicios celebraos ente 1879 y 1905.[3] Pasó al Senáu en 1907 como senador vitaliciu. Desempeñó'l cargu de ministru de Gracia y Xusticia ente'l 6 de marzu de 1901 y el 19 de marzu de 1902 nun gabinete Sagasta.[4] Tamién foi direutor xeneral de beneficencia y subsecretariu de gobernación. Foi miembru del Conseyu d'Estáu y de la Real Academia de Xurisprudencia.
En 1885, al morrer el so padre, heredó'l títulu de marqués de Teberga. Tuvo venceyáu a la construcción del ramal del ferrocarril a Avilés, que foi inauguráu en 1890. El so padre fuera unu de los más puxantes armadores y comerciantes d'Avilés, y a la so muerte heredó tamién los sos negocios. Foi autor de gran númberu de discursos parllamentarios.
Obres[editar | editar la fonte]
- Avilés: Noticies históriques (Madrid, 1897)
- La reforma penitenciaria (Madrid, 1901)
- La representación parllamentaria, el sufraxu obligatoriu y el referéndum (Madrid, 1907)
Referencies[editar | editar la fonte]
- ↑ Afirmao en: Diccionario biográfico español. Identificador DBE: 15819/julian-garcia-san-miguel-y-zaldua. Apaez como: Julián. Marqués de Teverga (II) García San Miguel y Zaldua. Editorial: Real Academia de la Historia. Llingua de la obra o nome: castellanu. Data d'espublización: 2011.
- ↑ URL de la referencia: http://www.racmyp.es/academicos/lista_historica.cfm. Data de consulta: 10 febreru 2019.
- ↑ Garrido, 2001, p. 77.
- ↑ Urquijo y Goitia, 2008, p. 86.
Bibliografía[editar | editar la fonte]
- Garrido, Aurora (2001). escritu en Madrid. En: José Varela Ortega (Ed.). «Asturies». El poder de la influencia: xeografía del caciquismu n'España (1875-1923) (Marcial Pons Hestoria y Centru d'Estudios Políticos y Constitucionales): páxs. 65-85. ISBN 84-259-1152-4.
- Urquijo y Goitia, José Ramón de (2008). Gobierno y ministros españoles na edá contemporánea, 2ª, Conseyu Cimeru d'Investigaciones Científiques. ISBN 978-84-00-08737-1.
Enllaces esternos[editar | editar la fonte]
Wikimedia Commons acueye conteníu multimedia sobre Julián García-San Miguel.
| Predecesor: Francisco González de Castejón y Elío marqués de Vadillo |
Ministru de Gracia y Xusticia 6 de marzu de 1901-19 de marzu de 1902 |
Socesor: Juan Montilla y Adán |
Datos: Q5956063- Multimedia: Julián García San Miguel
