Juan Agustín Ceán Bermúdez

De Wikipedia
Saltar a navegación Saltar a la gueta
Juan Agustín Ceán Bermúdez
Portrait of Juan Agustín Ceán Bermúdez by Goya (c. 1785).jpg
Vida
Nacimientu Xixón17  de setiembre de 1749
Nacionalidá Española
Fallecimientu Madrid3 d'avientu de 1829
Familia
Casáu/ada con Manuela Camas y de las Heras
Estudios
Estudios Universidá d'Alcalá
Llingües castellanu
Oficiu
Oficiu historiador del arte, escritor y políticu
Cambiar los datos en Wikidata

Juan Agustín Ceán Bermúdez (Xixón, 17 de setiembre de 1749Madrid, 3 d'avientu de 1829) foi un pintor, historiador, coleicionista y Crítica d'arte crítico d'arte ilustráu español.

Biografía[editar | editar la fonte]

D'oríxenes humildes, estudió llatín en Xixón y filosofía na Universidá d'Alcalá.[1] Foi protexíu de Xovellanos, a que'l so serviciu tuvo como secretariu, pa pasar dempués a selo de Francisco Cabarrús. A les órdenes d'esti postreru conoció a Leandro Fernández de Moratín, con quien-y xunió una gran amistá.

En 1791 foi-y encamentáu l'arreglu del Archivu d'Indies. Más palantre, gracies a la proteición de Xovellanos, foi nomáu oficial de la secretaría pal Estáu de Gracia y Xusticia d'Indies. En 1800 publicó la so obra más destacada, el Diccionariu históricu de los más pernomaos profesores de les Belles Artes n'España. En 1814 publicó la primer biografía de Xovellanos, fundamental pa la conocencia del personaxe.

Foi miembru de la Real Academia de Belles Artes de San Fernando, y amigu del pintor Francisco de Goya, quien pintó la so semeya en delles ocasiones.

La Biblioteca Nacional d'España dedicólu en 2016 una esposición[2] a la so faceta como coleccionista, impulsor y estudiosu de les artes, esibiendo ente múltiples documentos y obres d'arte dellos grabaos qu'él axuntó (de Durero, José de Ribera, Piranesi..) y que pasaron a dicha institución.

Obres[editar | editar la fonte]

  • Diccionariu históricu de los más pernomaos profesores de les belles artes n'España (Madrid. 1800, 6 Vols.)
  • Descripción artística de la Catedral de Sevilla (Sevilla, 1804)
  • Carta sobre l'estilu y gustu na pintura de la escuela sevillana (Cádiz, 1806)
  • Memories pa la vida del excmo. señor D. Gaspar Melchor de Xovellanos, y noticies analítiques de les sos obres (Madrid, 1814)
  • Diálogu sobre l'arte de la pintura (Sevilla, 1819)
  • Noticies de los arquiteutos y arquiteutura d'España (Madrid, 1829, 4 Vols.) (Editor).
  • Sumariu de les antigüedaes romanes qu'hai n'España, cuantimás les referentes a les Belles Artes (Madrid, 1832; edición póstuma)
  • Hestoria del Arte de la Pintura, obra inédita, once tomo manuscritos calteníos na Real Academia de Belles Artes de San Fernando.

Ediciones actuales[editar | editar la fonte]

Referencies[editar | editar la fonte]

  1. Díaz-Andreu García M, Mora G, Cortadella J (coordinadores). Diccionariu históricu de l'arqueoloxía n'España (sieglos XV-XX). Madrid: Marcial Pons; 2009. p.191. ISBN 987-84-96467-45-3
  2. Ceán Bermúdez, un eruditu ilustráu na BNE, Biblioteca Nacional d'España, 19 de mayu de 2016.

Enllaces esternos[editar | editar la fonte]






Juan Agustín Ceán Bermúdez