Javi Venta
Javi Venta | |||||||||||||||||||||||||||||||||||||||||||||||||||||||||||||||||||||
|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|
 | |||||||||||||||||||||||||||||||||||||||||||||||||||||||||||||||||||||
| Vida | |||||||||||||||||||||||||||||||||||||||||||||||||||||||||||||||||||||
| Nacimientu | La Pola Siero, 13 d'avientu de 1975[1] (48 años) | ||||||||||||||||||||||||||||||||||||||||||||||||||||||||||||||||||||
| Nacionalidá |
 España | ||||||||||||||||||||||||||||||||||||||||||||||||||||||||||||||||||||
| Estudios | |||||||||||||||||||||||||||||||||||||||||||||||||||||||||||||||||||||
| Llingües falaes | castellanu | ||||||||||||||||||||||||||||||||||||||||||||||||||||||||||||||||||||
| Oficiu | |||||||||||||||||||||||||||||||||||||||||||||||||||||||||||||||||||||
| Oficiu | futbolista | ||||||||||||||||||||||||||||||||||||||||||||||||||||||||||||||||||||
| |||||||||||||||||||||||||||||||||||||||||||||||||||||||||||||||||||||
| Posición o especialidá | defensa | ||||||||||||||||||||||||||||||||||||||||||||||||||||||||||||||||||||
| Pesu | 74 kg | ||||||||||||||||||||||||||||||||||||||||||||||||||||||||||||||||||||
| Altor | 180 cm | ||||||||||||||||||||||||||||||||||||||||||||||||||||||||||||||||||||
 | |||||||||||||||||||||||||||||||||||||||||||||||||||||||||||||||||||||
Javier Rodríguez Venta (13 d'avientu de 1975, La Pola Siero), conocíu como Javi Venta, ye un ex-futbolista español. Xugaba como defensa y el so últimu equipu foi'l Brentford F. C. de la Football League One inglesa.
Trayeutoria[editar | editar la fonte]
Javi Venta empezó a xugar nes categoríes inferiores del Club Deportivo Romanón y del Real Uviéu, equipu que lu venció al Club Marino de Luanco, que militaba en Segunda División B. Tres la so cesión robló pola R. S. Gimnástica de Torrelavega, onde xugó dos temporaes, tamién na Segunda B.
Villarreal C. F.[editar | editar la fonte]
Nel branu de 1999 Javi Venta foi contratáu pol Villarreal C. F. por que reforzara al C. D. Onda, de Tercer División, equipu de la llocalidá d'Onda, vecina a Villarreal, que naquellos años tenía un conveniu cola entidá mariella como equipu filial. Tres una temporada na Onda, el Villarreal decidió que xugara cedíu nel Racing Club de Ferrol de la Segunda División por que siguiera cola so progresión. Tres una bona campaña, volvió colase cedíu, esta vegada al C. D. Tenerife de la Primer División.
Tres esos trés años en distintos clubes, Javi pasó a integrar la primer plantía del Villarreal na temporada 2002/03, añu nel que'l xugador nun esfruto de demasiaes oportunidaes nel terrén de xuegu, una y bones la titularidá nel so puestu yera pal campeón de la Copa Mundial de Fútbol de 2002 cola seleición brasilana, Xulianu Belletti. L'añu siguiente volvió apostase'l puestu col internacional brasilanu, anque llogró esfrutar de más oportunidaes. Tres la marcha de Belletti al F. C. Barcelona en 2004, el club fichó a Armando Sá pa cubrir el puestu dexáu pol xugador brasilanu, pero esi añu Venta fíxose finalmente cola titularidá, llegando a apostar trenta y dos alcuentros de Lliga y nueve de Lliga de la UEFA. Na temporada 2005/06 siguió siendo'l llateral derechu con más minutos magar la contratación del internacional neerlandés Jan Kromkamp primero, y del campeón de la Lliga de campeones Josemi dempués. A la fin de la temporada llegó a dir concentráu cola seleición española de fútbol pa preparar la Copa Mundial de Fútbol de 2006 n'Alemaña, anque finalmente nun foi convocáu. Na temporada 2006/07 sufrió delles mancadures que-y torgaron apostar un mayor númberu de partíos.
En Primer División namái marcó dos goles, na so primer temporada col Tenerife nel estadiu Santiago Bernabéu y en El Madrigal nel postreru partíu de la campaña 2007/08, contra'l R. C. D. Español.
Levante U. D.[editar | editar la fonte]
El xugador asturianu recaló nel Levante U. D. el 19 d'agostu de 2010 pa militar dos temporaes nel club valencianu. Sicasí, tres el descensu del submarín mariellu, rescindió'l so contratu y el 1 de xunu de 2012 anuncióse'l so fichaxe por una temporada col Villareal. Con éses dos temporaes dempués tornó al club col que más partíos apostó.
Clubes[editar | editar la fonte]
| Club | País | Añu !width="30"|Partíos | Goles | |
|---|---|---|---|---|
| Real Uviéu "B" | España | 1995-1996 | ¿? | ¿? |
| Club Marino de Luanco | España | 1996-1997 | ¿? | ¿? |
| R. S. Gimnástica de Torrelavega | España | 1997-1999 | ¿? | ¿? |
| C. D. Onda | España | 1999-2000 | ¿? | ¿? |
| Racing Club de Ferrol | España | 2000-2001 | 39 | 0 |
| C. D. Tenerife | España | 2001-2002 | 29 | 1 |
| Villarreal C. F. | España | 2002-2010 | 182 | 1 |
| Levante U. D. | España | 2010- 2012 | 31 | 1 |
| Villarreal C. F. | España | 2012-2013 | 15 | 0 |
| Brentford F. C. | Inglaterra | 2013-2014 | 4 | 1 |
Palmarés[editar | editar la fonte]
| Títulu | Club | País | Añu |
|---|---|---|---|
| Lliga Intertoto | Villarreal C. F. | Heerenveen (P. Baxos) Villarreal (España) |
2003 |
| Lliga Intertoto | Villarreal C. F. | Madrid (España) Villarreal (España) |
2004 |
Referencies[editar | editar la fonte]
- ↑ Afirmao en: transfermarkt.com. Identificador Transfermarkt d'un futbolista: 7831. Apaez como: Javi Venta. Data de consulta: 9 ochobre 2017. Llingua de la obra o nome: distintes llingües.
Enllaces esternos[editar | editar la fonte]
- Javi Venta na páxina de la Lliga de Campeones (n'inglés)
- Javi Venta ficha pel Levante UD. Les Provincies.com
- Javi venta recala nel conxuntu granota. Páxina oficial del club
| Control d'autoridaes |
|
|---|
Datos: Q444408
Multimedia: Javi Venta
