James Connolly

De Wikipedia
Saltar a: navegación, buscar
James Connolly

James Connolly (1868-1916) foi un líder socialista y nacionalista irlandés. Foi ñacíu n'Edimburgu fíu de padres emigrantes irlandeses. Dexó la escuela pa trabayar a los once años y más tarde va convertise nun de los líderes políticos de la esquierda del so tiempu.

En 1892 yera una figura importante de la Federación Socialista Escocesa, convirtiéndose en secretariu de la mesma en 1895. En 1896 dexó l'exércitu y formó'l Partíu Republicanu Socialista Irlandés. Mientres s'alcontraba en suelu británico, foi ún de los fundadores del Partíu Llaborista Socialista, que se separtó de la Federación Socialdemócrata en 1903. Yera la mano derecha de James Larkin nel sindicatu de trabayadores y tresportistes. En 1913 en rempuesta al lockout d'esi añu, formó l'Exércitu de Ciudadanos Irlandeses, un grupu de trabayadores entrenaos y armaos que lluchaben por defender a los trabayadores y entamaben fuelgues. Tuvo formáu por unes 250 persones. L'oxetivu final yera consiguir una nación irlandesa socialista ya independiente. Nel futuru, l'Exércitu de Ciudadanos Irlandeses acaba siendo una de les bases na formación del IRA.


Connolly consideraba a la organización de Voluntarios Irlandeses abondo burguesa y poco preocupada pola independencia económica d'Irlanda. En 1915, buscando adoptar una aición decisiva contra les fuerces britániques, taba dimpuestu a adoptar aiciones inmediates. Ello alarmó a los miembros de la Hermandá Republicana Irlandesa, que fixere llabor d'infiltración dientro de los Voluntarios, y planegaba una insurreición en dellos años. Los líderes de la Hermandá, incluyendo a Tom Clarke y Patrick Pearse, aconceyaron con Connolly p'algamar un alcuerdu. Anque afirmóse que foi secuestráu por ello, esta idea refúgase a posteriori. De toes formes esapaeció tres díes ensin avisar.

En 1916 Connolly yá yera comandante de la Brigada de Dublín y participó nel Llevantamientu de Pascua contra les fuercies britániques. Foi gravemente firíu na batalla y más tarde va ser executáu.

Monumentu dedicá a James Connolly en Dublin

N'Irlanda ye de gran relevancia pola so contribución a la causa nacionalista. De la mesma, el so marxismu foi analizáu y reivindicáu por distintos pensadores y organizaciones polítiques. La so obra escrita fundamentalmente ta basada n'artículos, y amuesa un pensamientu nel que se pretende xunir el nacionalismu irlandés, el marxismu y el cristianismu.

Connolly foi ún de los pocos esquierdistes que s'opunxeron a la Primer Guerra Mundial, lo que provocó l'odiu de dellos líderes socialistes d'Europa.

Al paecer Lenin foi un gran almirador de Connolly, anque nunca se conocieren en persona. Lenin enfrentóse en dalguna de les sos obres a los que consideraben a la rebelión n'Irlanda burguesa, señalando que nun existía una revolución pura, y los comunistes habíen buscar la unidá con otres fuercies sociales.

N'Escocia, el so pensamientu influyó a socialistes como John Maclean, tamién interesáu en combinar idees nacionalistes y marxistes, pa lo que creó'l Partíu Republicanu Obreru Escocés. Les idees de Connolly tamién influyeron n'otros munchos movimientos de lliberación nacional.

Anguaño prepárase la película Connolly, sobre esti llíder políticu, dirixía por Adrian Dunbar y protagonizada por Peter Mullan.


Enllaces esternos[editar | editar la fonte]