Islles menores de la Sonda

De Wikipedia
Saltar a navegación Saltar a la gueta
Islles menores de la Sonda
Nusa Tenggara
NusaTenggara.png
Situación
LocationLesserSundaIslands.svg
PaísBandera de Indonesia Indonesia
Tipu archipiélagu
Parte de Archipiélagu malayu
Asitiáu en Océanu Índicu
Coordenaes 10°09′49″S 123°35′25″E / 10.163611°S 123.590278°E / -10.163611; 123.590278Coordenaes: 10°09′49″S 123°35′25″E / 10.163611°S 123.590278°E / -10.163611; 123.590278
Islles menores de la Sonda is located in Indonesia
Islles menores de la Sonda
Islles menores de la Sonda
Islles menores de la Sonda (Indonesia)
Datos
Puntu más altu Monte Rinjani
Fusu horariu UTC+8
Cambiar los datos en Wikidata

Les islles menores de la Sonda, o Nusa Tenggara, son un grupu d'islles alcontraes na parte centro-sur del archipiélagu malayu. Xuntu coles islles mayores de la Sonda, al oeste, conformen les islles de la Sonda.

Alministración[editar | editar la fonte]

Repártense ente les provincies indonesies de Bali, les Islles Menores de la Sonda Occidentales (n'indonesiu: Nusa Tenggara Barat), les Islles Menores de la Sonda Orientales (n'indonesiu: Nusa Tenggara Timur), Moluques (n'indonesiu: Maluku) y l'estáu independiente de Timor Oriental (en tetun: Repúblika Demokrátika Timor Lorosa'y, y en portugués: República Democrática de Timor-Leste).

Islles del grupu[editar | editar la fonte]

Les principales islles del grupu son les siguientes:

Xeoloxía[editar | editar la fonte]

Les islles menores de la Sonda formen parte del arcu de Sonda y estiéndense a lo llargo de la llinia de choque ente dos plaques tectóniques, la Euroasiática y la Indoaustraliana, y constitúin una de les rexones más complexes y de más actividá volcánica del mundu.[1] Esta actividá tectónica determina tantu la biodiversidá como la distribución y formación de les islles.

Les cadena d'islles asitiaes al norte de la rexón son d'orixe volcánicu y xeolóxicamente nuevos cuidao que la so formación dataría de fai 15 millones d'años. Nunca formaron parte d'una masa continental, con esceición de Bali que pertenecía a la plataforma continental de la Sonda nel Pleistocenu. Bali taba dixebrada del restu de les islles pol fondu estrechu de Lombok que coincide col pasu de la fuesa de Wallace. Al este d'esti estrechu, la mayor parte de les islles taben xuníes nuna llarga cadena insular d'unos 650 km de llongura qu'incluyía les actuales islles de Lombok, Sumbawa, Komodo, Flores, Solor, Adonara, y Lembata. Al este, Pantar y Alor yeren una sola islla. Les islles asitiaes al sur de la cadena, como Timor, Sumba y Babar, siempres tuvieron aisllaes y constitúin una entidá xeolóxica distinta.

Pol so particular aislamientu xeolóxicu y biolóxicu, les islles menores de la Sonda (sacante Bali) pertenecen a la Wallacea, una rexón bioxeográfica de transición ente Asia y Oceanía.

Notes y referencies[editar | editar la fonte]

  1. K. A. Monk, Y. Fretes, G. Reksodiharjo-Lilley, The Ecology of Nusa Tenggara and Maluku, Periplus Editions Ltd., 1996, p. 9, Hong Kong, ISBN 962-593-076-0