Ilesia de la Santa Cruz (Cangues d'Onís)

Ilesia de la Santa Cruz (Cangues d'Onís)
	Bien d'Interés Cultural
	ilesia, christianized dolmen (en) y monumentu
Llocalización
País	España
Autonomía	Principáu d'Asturies
Provincia	provincia d'Asturies
Conceyu	Cangues d'Onís
Coordenaes	43°21′10″N 5°07′49″W / 43.352694°N 5.130389°O
	Ilesia de la Santa Cruz (Cangues d'Onís) Ilesia de la Santa Cruz (Cangues d'Onís) (Asturies)
Historia y usu
Apertura	sieglu VIII
Orixe del nome	Vera Cruz (es)
Diócesis	Archidiócesis d'Uviéu
Arquiteutura
Estilu	arte prerrománicu
Patrimoniu
BIC	RI-51-0000799

La ilesia de la Santa Cruz de Cangues d'Onís ye un templu católicu asitiáu nel conceyu de Cangues d'Onís, n'Asturies. Nella fueron soterraos el rei Favila, segundu rei d'Asturies y fíu de don Pelayo, y la so esposa, la reina Froiluba, quien ordenaren la edificación de la ilesia.

Historia

En 737, sobro'l montículo artificial el rei Favila y la so esposa, la reina Froiluba, ordenaron edificar la ilesia de la Santa Cruz^[2] que, según reza la llábana fundacional, foi consagrada'l 27 d'ochobre d'ese mesmu añu.

El templu denomose d'esta forma pos allugó la cruz de carbayu que Pelayo, el padre de Favila, portaba na Batalla de Cuadonga^[2] y que más tarde convertiríase na Cruz de la Victoria.

Créese que foi'l primer templu cristianu que se construyó n'Asturies —y, polo tanto, n'España— dempués de la invasión de la península ibérica polos musulmanes;^[3] tamién se diz que la llábana de consagración ye'l primer monumentu lliterariu de la Reconquista.^[4]

La ilesia foi totalmente restaurada en dos vegaes, la primera en 1633 y la segunda en 1950 pol arquiteutu Luis Menéndez-Pidal y Álvarez tres la so destrucción mientres la Guerra Civil Española, n'agostu de 1936,^[2] cuando les autoridaes llocales tomaron la decisión de derruir la ilesia para dexar a la vista un dolmen respetáu polos constructores de la primitiva capiya. Del templu inicial calteníase la llábana de consagración, de la qu'hai una copia dibuxada y una fotografía antigua, sobro les que se fixeron reproducciones o reconstrucciones.

Llábana fundacional

La llábana fundacional (sumida na actualidá, pero copiada, retratada, y reproducida), traducida al castellán, vien dicir:

... y los sos fíos, pa quien por ello, oh Cristu, pol tu sacrificiu sía tola to gracia, y tres el cursu d'esta vida algáme-yos l'arrogante misericordia. Equí fueron consagraos altares a Cristu pol sacerdote Asterio, nel día 300 del tiempu trescurríu del añu, estendida la sesta edá del mundu, corriendo la era 775 (27 d'ochobre de 737)

Sepultura del rei Favila

Dempués del so fallecimientu, el cadabre del rei Favila, fíu de don Pelayo y de Gaudiosa, según refier el cronista Ambrosio de Morales, recibió sepultura na ilesia de la Santa Cruz de Cangues d'Onís, que'l monarca ordenara alzar xunto cola so esposa, la reina Froiluba.^[5] Na mesma ilesia, según refier el mesmu cronista, recibió sepultura la so esposa, la reina Froiluba, anque los restos mortales de dambos monarques nun se caltienen na actualidá.

Galería d'imáxenes

Detalle
Puerta d'entrada
Parte trasera
Vista llateral
Interior, puede reparase l'allugamientu del retruque de la Cruz de la Victoria
Llateral de la ilesia de la Santa Cruz

Ver tamién

Dolmen de Santa Cruz

Referencies

↑ «base de datos de monumentos de Wiki Loves Monuments» (13 payares 2017).
↑ ^2,0 ^2,1 ^2,2 Arias Páramo, 1999, p. 11.
↑ ; (1949) Restauración del culto cristiano en Asturias en la iniciación de la Reconquista. Oviedo: Instituto de Estudios Asturianos.
↑ (1987) La Iglesia de Asturias en la Alta Edad Media. Instituto de Estudios Asturianos.
↑ Arco y Garay, 1954.

Bibliografía

Arias Páramo, Lorenzo (1999). Guía del arte prerrománico asturiano. Ediciones Trea, S. L.. ISBN 84-95178-20-6.
Arco y Garay, Ricardo del (1954). Sepulcros de la Casa Real de Castilla. Instituto Jerónimo Zurita. Consejo Superior de Investigaciones Científicas.

Enllaces esternos

[4aa1f6cf7930c654056a3a44c3b1fc7d505b8fac-1] «base de datos de monumentos de Wiki Loves Monuments» (13 payares 2017).

[FOOTNOTEArias_Páramo1999{{{c}}}11-2] 2,0 ^2,1 ^2,2 Arias Páramo, 1999, p. 11.

[3] ; (1949) Restauración del culto cristiano en Asturias en la iniciación de la Reconquista. Oviedo: Instituto de Estudios Asturianos.

[4] (1987) La Iglesia de Asturias en la Alta Edad Media. Instituto de Estudios Asturianos.

[FOOTNOTEArco_y_Garay1954{{{c}}}-5] Arco y Garay, 1954.

[1]

[2]

[3]

[4]

[5]