Ilesia de la Santa Cruz (Cangues d'Onís)

De Wikipedia
Saltar a navegación Saltar a la gueta
Ilesia de la Santa Cruz (Cangues d'Onís)
Bien d'Interés Cultural
ilesia, christianized dolmen (en) Traducir y monumentu
Iglesia de la santa cruz.jpg
Llocalización
PaísFlag of Spain.svg España
AutonomíaFlag of Asturias.svg Principáu d'Asturies
Provincia provincia d'Asturies
Conceyu[[Archivu:|20x20px|border|link=|]] Cangues d'Onís
Coordenaes 43°21′10″N 5°07′49″O / 43.352694°N 5.130389°O / 43.352694; -5.130389Coordenaes: 43°21′10″N 5°07′49″O / 43.352694°N 5.130389°O / 43.352694; -5.130389
Ilesia de la Santa Cruz (Cangues d'Onís) alcuéntrase n'Asturies
Ilesia de la Santa Cruz (Cangues d'Onís)
Ilesia de la Santa Cruz (Cangues d'Onís)
Ilesia de la Santa Cruz (Cangues d'Onís) (Asturies)
Historia y usu
Aperturasieglu VIII
Orixe del nome Vera Cruz (es) Traducir
Diócesis Archidiócesis d'Uviéu
Arquiteutura
Estilu arte prerrománicu
Patrimoniu
BIC RI-51-0000799
Cambiar los datos en Wikidata

La ilesia de la Santa Cruz de Cangues d'Onís ye un templu católicu asitiáu nel conceyu de Cangues d'Onís, n'Asturies. Nella fueron soterraos el rei Favila, segundu rei d'Asturies y fíu de don Pelayo, y la so esposa, la reina Froiluba, quien ordenaren la edificación de la ilesia.

Historia[editar | editar la fonte]

En 737, sobro'l montículo artificial el rei Favila y la so esposa, la reina Froiluba, ordenaron edificar la ilesia de la Santa Cruz[1] que, según reza la llábana fundacional, foi consagrada'l 27 d'ochobre d'ese mesmu añu.

El templu denomose d'esta forma pos allugó la cruz de carbayu que Pelayo, el padre de Favila, portaba na Batalla de Cuadonga[1] y que más tarde convertiríase na Cruz de la Victoria.

Grabáu de la ilesia a mediaos del sieglu xix en Selmanariu Pintorescu Español.

Créese que foi'l primer templu cristianu que se construyó n'Asturies —y, polo tanto, n'España— dempués de la invasión de la península ibérica polos musulmanes;[2] tamién se diz que la llábana de consagración ye'l primer monumentu lliterariu de la Reconquista.[3]

La ilesia foi totalmente restaurada en dos vegaes, la primera en 1633 y la segunda en 1950 pol arquiteutu Luis Menéndez-Pidal y Álvarez tres la so destrucción mientres la Guerra Civil Española, n'agostu de 1936,[1] cuando les autoridaes llocales tomaron la decisión de derruir la ilesia para dexar a la vista un dolmen respetáu polos constructores de la primitiva capiya. Del templu inicial calteníase la llábana de consagración, de la qu'hai una copia dibuxada y una fotografía antigua, sobro les que se fixeron reproducciones o reconstrucciones.

Llábana fundacional[editar | editar la fonte]

Llábana fundacional de la ilesia de la Santa Cruz. Añu 737.

La llábana fundacional (sumida na actualidá, pero copiada, retratada, y reproducida), traducida al castellán, vien dicir:

... y los sos fíos, pa quien por ello, oh Cristu, pol tu sacrificiu sía tola to gracia, y tres el cursu d'esta vida algáme-yos l'arrogante misericordia. Equí fueron consagraos altares a Cristu pol sacerdote Asterio, nel día 300 del tiempu trescurríu del añu, estendida la sesta edá del mundu, corriendo la era 775 (27 d'ochobre de 737)


 

Sepultura del rei Favila[editar | editar la fonte]

Dempués del so fallecimientu, el cadabre del rei Favila, fíu de don Pelayo y de Gaudiosa, según refier el cronista Ambrosio de Morales, recibió sepultura na ilesia de la Santa Cruz de Cangues d'Onís, que'l monarca ordenara alzar xuntu cola so esposa, la reina Froiluba.[4] Na mesma ilesia, según refier el mesmu cronista, recibió sepultura la so esposa, la reina Froiluba, anque los restos mortales de dambos monarques nun se caltienen na actualidá.

Galería d'imaxes[editar | editar la fonte]

Ver tamién[editar | editar la fonte]

Referencies[editar | editar la fonte]

  1. 1,0 1,1 1,2 Arias Páramo, 1999, p. 11.
  2. (1949) Restauración del culto cristiano en Asturias en la iniciación de la Reconquista. Instituto de Estudios Asturianos.
  3. (1987) La Iglesia de Asturias en la Alta Edad Media. Instituto de Estudios Asturianos.
  4. Arco y Garay, 1954.

Bibliografía[editar | editar la fonte]

  • Arias Páramo, Lorenzo (1999). Guía del arte prerrománico asturiano. Ediciones Trea, S. L.. ISBN 84-95178-20-6.
  • Arco y Garay, Ricardo del (1954). Sepulcros de la Casa Real de Castilla. Instituto Jerónimo Zurita. Consejo Superior de Investigaciones Científicas.

Enllaces esternos[editar | editar la fonte]