IRC+10420

De Wikipedia
Saltar a navegación Saltar a la gueta
IRC+10420
IRC+10420
Constelación Águila
Ascensión reuta α 19h 26min 48.03s
Declinación δ +11º 21’ 16.7’’
Distancia 16300 años-lluz
Magnitú visual +13,7
Magnitú absoluta -9,50
Lluminosidá 500.000 soles
Temperatura 8500 K
Radiu 370 R. Sol
Tipu espectral A5Ia-O
Velocidá radial ? km/s


IRC+10420, tamién conocida cómo V1302 Aql, ye una estrella hiperxigante (que foi primeramente clasificada cómo una protonebulosa planetaria por dellos autores) asitiada na constelación del Águila, a una distancia d'ente 3 y 5 kiloparsecs.

Propiedaes físiques[editar | editar la fonte]

Magar ser una de les estrelles más lluminoses conocíes, con una lluminosidá de más de 500.000 vegaes la del Sol, ye invisible a güeyu y precisa un telescopiu pa ser reparada.

Mientres los postreros 20 años, el tipu espectral d'ésta estrella varió dende F8 hasta A calteniéndose la so lluminosidá constante, lo qu'al pie de la gran cantidá de materia qu'espulsó llevó a pensar que ye un astru de 40 ó 50 mases solares nuna fase bien avanzada de la so vida, evolucionando dende la fase de superxigante colorada escontra la de estrella de Wolf-Rayet ó la de Variable Lluminosa Azul (LBV), ó inclusive a la de presupernova; acordies con dellos modelos, la estrella en sí, que paez tener una temperatura superficial elevada y que tamos viendo dende unu de los sos polos, tien apenes 10 mases solares y ta envolubrada por 30 ó 40 mases solares de material espulsáu por potentes vientos solares. Dichu material la oculta, llegando a formar una "pseudofotosfera" que la fai apaecer cómo una estrella hiperxigante mariella ó blanca en cuenta de lo que ye en realidá.

Nebulosa[editar | editar la fonte]

El material espulsáu por IRC+10420 relluma allumáu por ésta cómo una nebulosa de reflexón, siendo ésto lo que se ve y non el mesmu astru. Imáxenes tomaes pol Telescopiu Espacial Hubble amosaron una complexa estructura nella qu'inclúi rayos, arcos, y condensaciones de material brilloso -los cualos amuesen evidencies de fuerte perda de masa estelar mientres los últimos sieglos-, y que foi comparada a la qu'arrodia a VY Canis Majoris.

Ver tamién[editar | editar la fonte]

IRAS 17163-3907, un oxetu similar.

Referencies[editar | editar la fonte]