Honda en Fórmula 1

De Wikipedia
(Redirixío dende Honda Racing F1)
Saltar a navegación Saltar a la gueta
Wikipedia:Correxir

Plantía:Ficha d'equipu de Fórmula 1

Honda participó en Fórmula 1 como constructor en dos periodos (1964-1968 y 2006-2008), esti postreru formáu dempués de l'adquisición del equipu BAR en 2005, y como provisor de motores en delles oportunidaes.

Como constructor[editar | editar la fonte]

Ingresu na Fórmula 1 (1964-68)[editar | editar la fonte]

Honda RA272, primer coche xaponés en ganar en Fórmula 1.

Honda participó per primer vegada en Fórmula 1 nel añu 1963, trés años dempués de fabricar el primer vehículu de cai. Empezaron a trabayar na monoplaza nel añu 1962, al cual punxéron-y el nome de RA271. Honda foi unu de los primeros fabricantes que participaron na categoría qu'hasta aquel momentu namái taba compuesta por equipos europeos, mientres tol equipu d'Honda yera xaponés, quitando a los dos pilotos estauxunidenses Ronnie Bucknum y Richie Ginther. Yera unu de los pocos equipos amás de Ferrari y BRM que construian chasises propios y motor.

Nel segundu añu de participación llograron la so primer victoria gracies a Ginther nel Gran Premiu de Méxicu de 1965. La siguiente victoria del equipu foi de la mano de John Surtees nel Gran Premiu d'Italia de 1967.

En 1968. l'Honda RA301 namái algamó'l podiu dos veces. L'equipu xaponés desenvolvimientu l'Honda RA302 que'l so motor yera esfrecíu per aire. Solo apaeció nel Gran Premiu de Francia onde'l pilotu francés Jo Schelesser finó a bordu d'esi auto na segunda vuelta. esta traxedia más la negativa de Surtees de remanar el RA302 motivaron el retiru de Honda a finales d'esi añu.

Regresu a la categoría (2006-08)[editar | editar la fonte]

En setiembre de 2005, Honda mercó'l 55% restante del equipu pa remanalo al so gustu y coles mires de conquistar el campeonatu.[1][2] Anque la British American Tobacco, hasta esi momentu dueña del equipu, siguió patrocinando l'equipu en 2006. Finalmente, decidióse que l'equipu llamaríase Honda Racing F1 Team.

2006: Torna esitosa[editar | editar la fonte]

L'Honda de Rubens Barrichello nel Gran Premiu d'EEXX de 2006, nel qu'acabó sestu.

Na temporada 2006, les sos resultaos nun fueron del tou satisfactorios nel empiezu de la temporada. Sicasí, adulces l'equipu foi ameyorando y nel Gran Premiu d'Hungría de 2006 llegó de nuevu una victoria llograda por Jenson Button, nuna carrera llena d'incidentes.[3] Aquella temporada, nuna brillosa recta final, l'equipu consiguió un total de tres podios, p'acabar con 86 puntos na cuarta posición nel Mundial de Constructores. Honda paecía tar nel bon camín pa volver al ésitu.

2007: Añu complicáu[editar | editar la fonte]

Jenson Button nel Gran Premiu de Bélxica de 2007, nel cual abandonó na vuelta 36.

A pesar del regresu positivu, en 2007 les coses nun salieron bien. El RA107 nun foi nada competitivu y sufrió una primer metá d'añu llamentable. A partir del GP de Francia, l'equipu estrenó una versión ameyorada del coche,[4] que'l so rendimientu ameyoró y dexó sumar el so primer puntu del añu de la mano de Jenson Button nesa carrera. Pero Rubens Barrichello completó la so primer temporada ensin puntuar; ente que l'equipu satélite d'Honda, Super Aguri, tuvo a puntu de quedar per delantre d'él. Namái na recta final d'un campeonatu pa escaecer pudo superase a la escudería d'Aguri Suzuki. Finalmente, Honda acabó n'octavu puestu nel mundial de constructores, con solamente 6 puntos nel so haber.

2008: Otru añu decepcionante[editar | editar la fonte]

En 2008, cola incorporación del ex inxenieru de Michael Schumacher en Ferrari Ross Brawn al equipu, esperábense grandes coses,[5] pero l'entamu del campeonatu nun foi nada alentador. Honda sumó los sos primeros puntos en Montmeló, por aciu del 6º puestu de Jenson Button. Depués, en Mónaco y Canadá, Rubens Barrichello consigue puntuar dempués de la so seca en 2007.

Jenson Button nel Gran Premiu de China de 2008, penúltimu GP pa Honda na F1, y onde el pilotu británicu acabó 16º.

Nel caóticu Gran Premiu de Gran Bretaña, Barrichello consigue un podiu pa la escudería, el primeru dende'l Gran Premiu de Brasil de 2006, gracies al talentu del pilotu brasileñu en moyáu y la xenial estratexa de Ross Brawn. Sicasí, esos fueron los últimos puntos pal equipu, una y bones el probe rendimientu del Honda RA108 nun dio pa más resultaos y Honda completó otru añu decepcionante (9º posición con 14 puntos).

Vienta del equipu[editar | editar la fonte]

El 5 d'avientu de 2008, Honda Motor Co. Ltd anuncia por sorpresa'l so inminente retirada de la F1 por causa de la crisis económica y la busca d'un posible comprador pa la escudería.[6][7] Les distintes partes implicaes nel procesu (Nick Fry, Ross Brawn, Bernie Ecclestone...) amosábense optimistes sobre'l futuru de la escudería y creíen que taríen na parrilla de salida d'Australia magar la incertidume esistente dempués del aciar anunciu. Finalmente, tres incontables rumores, l'equipu ye adquiríu por Ross Brawn el 6 de marzu de 2009, renombrándose como Brawn GP.[8] Asina, la mayoría de miembros del ex forno Honda siguió na Fórmula 1 en 2009 so la denominación Brawn GP. A la fin de la temporada, Brawn GP coronaríase Campeón del Mundu en Constructores y en Pilotos col que diba ser el Honda RA109 (el Brawn BGP 001, forníu con motor Mercedes-Benz).

Como provisor de motores[editar | editar la fonte]

Dempués de que Honda abandonara la categoría, volvió en marzu de 1983 col anunciu del motor de Fórmula 1 de 1.500 c.c. con doble turbocompresor que forniría a la escudería Williams. En xunetu, el Spirit-Honda (con xasis y motor fabricaos por Honda, pero de manera non oficial) debuta nel circuitu de Silverstone. En ochobre, el Williams-Honda debuta nel Gran Premiu de Sudáfrica y termina quintu. En 1984 llega la so primer victoria nel Gran Premiu de Dallas y escontra finales de la temporada siguiente llogren tres triunfos consecutivos (Europa, Sudáfrica y Australia) y perfílense como favoritos para 1986, temporada en que llogren el títulu de constructores que se repitiría al añu siguiente, onde del primeru al tercer pilotu na clasificación del mundial tuvieron impulsaos con motor Honda. 1988 foi la so temporada más esitosa con 15 trunfos sobre de 16 pruebes del cameonato mundial. Ente los equipos qu'usaron motores Honda atópense Lotus, Spirit, McLaren, Tyrrell y Williams. En total, estos equipos llograron seis campeonatos de constructores, y cinco de pilotos, primero que Honda volviera colase de la F1 en 1992 ante la crisis del sector automotor y l'incipiente dominiu del equipu Williams Renault. De les primeres temporaes yera un comentariu xeneralizáu la rocea con qu'el xaponeses xixilaben tolos secretos que guardaba'l so revolucionariu motor alterio. Inclusive na fábrica Williams había un sector d'ensamblaxe de motores nel que namái podíen entrar los niponos y por contratu, los británicos taben torgaos de preguntar detalles téunicos.[9] Depués del abandonu de 1992, la fábrica xaponesa aprovió de motores a los equipos Jordan, Ligier, Prost y British American Racing, ensin l'ésitu espectacular del pasáu.

Participación con British American Racing[editar | editar la fonte]

Honda volvió de nuevu nel añu 2000 como provisor de motores pal equipu BAR.[10] Amás, apurrió motores al equipu Jordan Grand Prix mientres los años 2001 y 2002. Finalmente, Honda quixo volver a la categoría parcialmente, mercando'l 45% del equipu BAR nel añu 2004, cuando llograron la segunda plaza nel campeonatu de constructores.[11]

Monoplaces[editar | editar la fonte]

La siguiente galería amuesa los distintos modelos utilizaos por Honda na Fórmula 1.

  • 1964-1968
Honda RA271 (1964)
Honda RA272 (1965)
Honda RA273 (1966-67)
Honda RA300 (1967-68)
Honda RA301 (1968)
  • 1968-2008
Honda RA302 (1968)
Honda RA106 (2006)
Honda RA107 (2007)
Honda RA108 (2008)

Resultaos[editar | editar la fonte]

Referencies[editar | editar la fonte]

Ver tamién[editar | editar la fonte]

Enllaces esternos[editar | editar la fonte]



Honda en Fórmula 1