Henrique G. Facuriella

Henrique G. Facuriella (1980, Blimea) ye un escritor y periodista de Samartín del Rei Aurelio (Asturies). Ye miembru de la Tertulia Lliteraria Tom Malory de L'Entregu.

Obra[editar | editar la fonte]

Tien asoleyaos hasta'l momentu trés llibros, Los fieles de Maalena (Ámbitu, 2006), Intersticios. Estudios pa una topografía de lo que nun ye (Ámbitu, 2009) y El centinela (Ediciones Saltadera, 2019)^[1] La mayor parte de la so obra ta espublizada n'antoloxíes como Vía de serviciu, Escritores en Llanes, Cuentos mínimos, Tarxeta d'embarque, Yérase una vez... o La prueba del once

Tamién tien poemes esparcíos per revistes como Reciella Malory (de la que ye cofundador), Formientu o Caravansi.

Tien espublizaos reportaxes y artículos periodísticos en El Comercio, La Nueva España, Les Noticies y La Ratonera. Revista Asturiana de Teatru. Tamién ye collaborador de la revista cultural El Summum, onde tien espuestu parte del so trabayu fotográficu, otra de les sos facetes.