Harald zur Hausen
Harald zur Hausen, (Gelsenkirchen-Buer, Alemaña, 11 de marzu de 1936) ye un médicu y virólogu alemán.
Zur Hausen estudió Medicina nes Universidaes de Bonn, Hamburgu y Düsseldorf y recibió'l doctoráu en 1960.
Exerció nes Universidaes de Filadelfia y de Pennsylvania, asina como n'otres universidaes d'Alemaña, país nel que presidió l'Institutu Alemán d'Investigaciones sobre'l Cáncer (DKFZ).
El 6 d'ochobre de 2008 algama'l Premiu Nobel de Medicina xunto con Françoise Barré-Sinoussi y Luc Montagnier[1] polos sos trabayos sobre los papilomavirus. Esti mesmu añu, recibió tamién el Premiu de la Fundación Internacional Gairdner, pola so contribución a la ciencia médica.
El so principal compu d'investigación céntrase nel orixen del cáncer de cuellu d'úteru, causáu por infecciones virales. En 1976, llanza la hipótesis de que los papilomavirus humanos (HPV nes sos sigles n'inglés) xuegen un papel importante nesti tipu de cáncer. Los sos trabayos científicos llevaron al desarrollu d'una vacuna contra dichu virus que llegó al mercáu en 2006.
El doctor Hausen trabaya nel Centru Alemnán pal Tratamientu del Cáncer, en Heildelberg.
