Gochu'l país

De Wikipedia
Saltar a navegación Saltar a la gueta

El gochu'l país o gochu astur, o gochu celta ye una raza de gochu que tien el so orixe n'Asturies y que ta emparentáu con otres tribes del mesmu tueru celta: En Francia cola craonesa, la normanda, la bretona, l'alsaciana, la meusiana y la champenoise. En Bélxica: la flamenca, la hesbignon y l'ardanesa. En Dinamarca: el jutland y el seeland. En Rusia la polonesa. N'Alemaña, mesmo qu'en Suecia ya Noruega tamién queden castres de esti aniciu, asina como n'Austria ya n'Hungría. En Suiza tamién se caltién el denomáu Schwyzoise, anque averáu al desaniciu.

El gochu'l país foi casi desaniciáu nestos caberos trenta años quedando poques goches paridiegues anguaño polo que de toles races llariegues ye la que tien peor perspeutiva futura al nun tener tampoco Asociación de Criadores.

Carauterístiques morfolóxiques[editar | editar la fonte]

  • Tiesta: Grande, de bon anchor y allongada. Perfil subcóncayu.
  • Güeyos: Pequeños.
  • Oreyes: Llargues, cayíes y empobinaes p'alantre.
  • Focicu: Primíu y garruchu, cola tortoria ancha.
  • Pescuezu: Estrenchu y llongu.
  • Tueru: Llombu daqué encorquiáu (gorrumbu) y estrenchu; ancla cayida y costiellar aplanáu. Bandoba metía.
  • Tetos: Con 6/6 como mínime.
  • Tolanos: Permediaos en llonxitú y tamañu.
  • Pates: Llargues y güesudes. Pezuños enforma duros.
  • Pesu: Ente 130 - 200 kg.
  • Altor: Algama los 80 cm. Na Campa Torres topáronse güesos de gochos con un altor d'ente 64,5 y 75,6 cm.
  • Llargor: Dende la ñucla a la febra'l rau allega en dellos exemplares a 1,5 metros.